MAZMUR 38:11 - Susula Malalaok Hehelu Palak Ma Hehelu Beuk

¹¹ Au bade'eng-nga delengge'be-ngge'be, mopo au be'i-balakaing au matang-nga keluha'buk-ka so.

MAZMUR 38:11 Referans Kwoze

MAZMUR 31:11

Basa au so'dang-nga, nai doidosok-ka dalek, au teung-ngala sapu-lalo, nai hoo-nggu'uk-ka dalek. Au balakaing loe, nanahu au tatao-nono'i mangalaung-nga, lena-lenak au duing-ngala, ala po'o.

LUKAS 23:49

Basa Yesus hataholi nalela nala, nai dalek ina-inak fo manatungan neme Galilea mai a, lapadeik leme doo ka, de lita basa manda'dik sila la.

MAZMUR 88:18

Nai fai katemak esa dalek, O nasa-melum sama leo faa, ana okofefeon-na au, nakahapi-na au, neme basa mamanak lala'ena mai.

YOHANIS 16:32

Mafandendelek! Te neukose fai na losa, nakalenak ana losa so, te neukose ala tao tapasasala emi. Fo emi esa-esak fali leo uman neu, fo la'oela Au mesa nga. Tehu Au ta mesa nga fa. Nanahu Ama ka no Au.

LUKAS 22:54

Ala ho'u la Yesus de lon leo imam matuaina uman neu. Petrus tunga neme doo ka mai.

MATEOS 26:56

Tehu memak muse leondiak, fo ela hata fo nabi la sula kana nai susula Malalaok dale, ana da'di leona.” Basa ndia boema basa ana mana tunga nala lalai la'oelan.

YESAYA 53:4

Tunga ndoon-na, ana lu'a-lepak ndia, nde ita he'di-laun-na, ma doi-doson ndia, nde ita doi-doson-na, te se'kona, ita taedaeng-nga, doi-doson ndia, Manetualain hukun nde ndia.

YESAYA 53:8

Nanahukuk, ma nananaketu-nala'dik, boema nanalele'a-lolosok, ma nanahuku nisak. Ta hapu esa boen, fo ana taoafik neu ua-nalen fa; ana mate, hu kande ita leoinan, sala-singon.

MAZMUR 22:16

Au botolii koko'dong-nga namatuu sama leo fale fangik-ka, au maang-nga nakadita-na, au tanalaing-nga. Manetualain, O la'oela au nai daesopuk lain, sama leo hataholi manamate basak-ka so.