MAZMUR 37:9 - Susula Malalaok Hehelu Palak Ma Hehelu Beuk

⁹ Nana hataholi manatao, tatao-nono'i mangalauk-ka, neukose mopok-kana, tehu hataholi fo, namahena neu Manetualain-na, neukose nanuu dae ndia.

MAZMUR 37:9 Referans Kwoze

YESAYA 60:21

O laum-ma lala'en-na nde been-na, hataholi ndoos neukose lanuu nusak-ka, losa dodoon-na. Sila sama leo, ai ndana fe'ek-ka, nananakadiditak neu ai fe'ek, fo Au nde selen-nana, soaneu nafa'da Au matua-mademang.

MAZMUR 25:13

Neukose laso'da no tetu-temak lahele, Upu-anan-nala neukose lanuu dae pusaka.

YESAYA 57:13

Metema emi nggasi soona, nemen-na fo, dodoki-dudulak sila-la soi-tefa-la emi! Neukose anin-na fuu namopos, ma mopok-kasa nenik ka'da ani hahaek esa mesan! Tehu, hataholi fo nasulu-nahapa neu Au-a, neukose nanuu nusak ndia, ma ana sene-do'ok neu Au, nai Au Umang.”

MAZMUR 37:29

Hataholi manatao malole-a, neukose nanuu dae ndia, fo ana leon losa dodoon-na.

MAZMUR 55:23

Fe o dale manaba'ihanam-ma neu Manetualain, soona neukose Ana tia-to'ba o; nana hataholi dale ndoos-sa, Ana ta po'ilotak-kana kala fa.

NINITAK 5:10

O taos da'di leoina esa hehelik fo lalalau-laoono ita Manetualain ma ala paleta nai daebafa ka.”

AMSAL 2:21

Nana, hataholi manatunga Manetualain hihii-nanaun-na, nde hataholi dale ndoos-sa, fo sila nde leo nai nusak fo Manetualain heluk-ka.

YESAYA 58:14

Soona neukose emi mamahoko-setelee, nanahu emi makatele neu Au. Neukose Au tao-a emi da'di hataholi nananita-nalelak, nai basa daebafak-ka lala'en-na. Neukose emi maso'da no namahokok, nenik emi bei-ba'i kaim Yakob, dae pusakan-na, buna boan. Au, fo Manetualain nde manakokolak-ka.”

IBRANI 11:16

Tehu nananitak, sila lahiik nusak esa fo malole na lena, fo nde nusak manai nusa so'da ka. Hu ndia de Manetualain ta mae, metema loken lae, sila Manetualai na. Lena-lenak Manetualain sadia basa kota esa soaneu sila so.

BILANGAN 26:65

Manetualain nafa'da basa, nae neukose mate la'iesak-kala lai moo solokaek-ka. De memak tete'ek-ka, mate la'iesak-kasa leme moo solokaek-ka, de ela ka'da Kaleb, fo Yefune anan-na, ma Yosua, fo Nun anan-na.

ULANGAN 5:33

Tao-no'i basa hata fo emi Manetualaim-ma paletan neu emi, fo ela emi so'dam-ma tetu-temak, fo emi hapu leo mahele nai nusak fo neukose emi leo nai dalek ndia.”

YOSUA 14:9

Ma hu ndia de, Musa helu nae, dae fo ana la'ok okofefeon-nana, tao leo bee-o, neukose ana fen neu au, ma au anang-ngala, fo da'di ami pusakam, losa dodoon-na.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.