Metema, ana naloo bou-bou neu Au soona, neukose Au ataan. Neukose Au tulu-falin, nai fai toto'a-tatan-na; ma neukose, Au atapo'in, ma Au fen ha'da-holomata.
Tehu Lamatua ka no nahele au, nai au boboa nga. Ana fe au be'i balakaik, de nalosa au apalani tui-benga la'i esak Hala Malole ndia, fo ela basa hataholi ta Yahudi la, lamanene beno'u. Ma au ala soe mamate sa deak.
Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.
Manetualain sue-lai emi, hu ndia de Ana soi-tefa na emi, nanahu emi mamahele Yesus. Emi so'da-molem ndia, ta neme emi ue-osam buna-boan mai fa, te hu ka nde Manetualain baba'e-babatin. Da'di, ta hapu hataholi esa boen, fo ana koao la'eneu dede'ak ndia fa.
Ela leo bee na Manetualain koasa matua-madema na, ana tao natea-nahele emi, nalosa emi lu'a-lepa mabe'i doi doso ka, nai basa dede'ak lala'e na dalek, no namahokok ma dudu'a naluk,
Tehu neukose au akamee nakamee kokoa-kikiok ba'eneu O ma au tunu-hotu tutunu-hohotuk soaneu O. Neukose, au tao atetu au hehelu-balatang lala'en-na O nde Manetualain fo manasoi-tefa.”
Ou Manetualain, sue-lai ami. O nde, ami mamahenak-ka. Masulu-mahapa ami, neme faik leo faik neu, ma soi-tefa-mala ami, nai lelek, ami nai makase'ek-ka dalek.
Solda'du sila-la lamahele neu Manetualain, de loke tutulu-fafalik neun, boema Manetualain sipok sila nonoken-na, de Ana fes ala sengi hataholi Hagri sila-la loo hataholi manatulu-falis-sala.
Enon-na leondiak, Manetualain soi-po'i Manek Hizkia ma laun Yerusalem-mala leme manek Sanherib-pa koasan-na mai ma, ma neme sila musu fe'e-fe'en-nala mai. Manetualain fes maso'da nee nee-lino lino-ka de ala ta hapu nakasese'bok neme nusaina manai sila titia-tatain-nala mai fa.
Manetualain nde been-na, au masulu-mahapang ma manamasala'eng-nga, de au amahele neun. Ana tulu-fali ma Ana tao namahoko au daleng-nga, au koa-kion nenik nakamee makasi.
Neukose Au tao o da'di lutu batu mahelek soaneu sila. Neukose ala latee-latati lo o tehu neukose ala ta hapu tao lakala o fa. Neukose Au ook o, ma asulu-ahapa ma soi-tefa ala o.
Metema Manetualain fo ami sene-do'ok-ka napalani soi-tefa-nala ami neme ha'i manafolokakaak ndia dalek mai, ma neme Ama Manek koasan-na mai soona, tao leo bee-o Ana taon.