MAZMUR 37:30 - Susula Malalaok Hehelu Palak Ma Hehelu Beuk

³⁰ Hataholi malole-a, hala-kokolan manatee-tenok, ana kokolak ndoos tataas esa, nai hala-kokolan-na dalek.

MAZMUR 37:30 Referans Kwoze

KOLOSE 4:6

Ela leo bee na, dede'a-kokolak fo emi kokola kana, muse nini nanahokok fe hataholi, ma hataholi hii namanenen tataas esa. Ela leo bee na emi bubuluk, tao tao leo beek fo, emi muse mataa hataholi a natatane nala.

EFESUS 4:29

Metema emi kokolak soona, boso kokolak dede'a manggenggeok. Pake ka'da dede'a-kokolak fo nini nanoli-nafa'dak fe hataholi fe'ek. Dede'a-kokolak leondia ka, neukose nini malole fe hataholi mana mamanene nana.

AMSAL 15:7

Hataholi manatee-tenok-ka dede'a-kokolan, henuk no malelak, tehu hataholi nggoak-ka dudu'a-aafin, ta leondiak fa.

MATEOS 12:35

Hataholi malole a, ana kokolak dede'a malole, nanahu dale na henuk no malole a. Nasafali na, hataholi mangalau ka, ana kokolak dede'a mangalauk, nanahu dale na henuk no mangalau ka.

AMSAL 10:21

Hataholi malole-a dede'a-kokolan, nalupa baba'e-papalak ba'eneu hataholi makadotok; hataholi nggoak-ka, nggoan-na taonisa seluk aoinan-na.

AMSAL 10:31

Hataholi dale ndoos-sa, kokolak dede'a-kokolak manatee-tenok; hataholi mangalauk-ka bafan-na, neukose nanako'o ketuk.

MAZMUR 71:15

Nai fai katemak esa dalen-na, neukose au tui-benga O tatao-nono'im fo ndoos ma matetuk-ka, ma so'da-molek maneme O mai, ta hapu leke nala fan

AMSAL 27:9

Sama leo mina kaboomenik-ka nandaa dale, leondiak boe, tia-laik dale malolen-na, tao napena samanek-ka.

MAZMUR 71:24

Nai fai katemak esa dalek, neukose au tui-benga O ndo ma matetum-ma, nana hataholi fo ala nau tao soe au-a, ala kala ma ala hapu mamaek so.

AMSAL 10:20

Hataholi malole-a hala-kokolan, da'di leo lilofula isik; hataholi mangalauk-ka dudu'a-aafin, sosoa-ndandaan ta.