MAZMUR 36:6 - Susula Malalaok Hehelu Palak Ma Hehelu Beuk

⁶ Manetualain, O susue-lalaim, dema lalai-a, ma O lilinekam, losa ko'as-sa.

MAZMUR 36:6 Referans Kwoze

1 TIMOTIUS 4:10

Hu ndia de, ita sanga enok ma ita puselaipana no tatao-nono'i ka, nana ita tamahena neu Manetualain fo maso'dak ndia; Ndia nde tao naso'da basa hataholi lala'ena, nakalenak ba'eneu hataholi kamahehele kala.

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?

MAZMUR 77:19

Mangguluk-ka nanggunggulu, ndelas-sa pila beelo'a, daebafak-ka nanggengo ma ana dele.

MAZMUR 71:19

Ou Manetualain, O ndo ma matetum-ma, dema lalai; O tatao-nono'im-mala matuaina; see sama-na leo O?

YESAYA 45:19

Au ta kokolak no nafufunik, do no bibila-babaak fa. Au ta adenu Au anang Israel sanga Au no palsuma fa. Au Manetualain, kokolak hata fo ndoos, ma afa'da hata fo la'en.”

MAZMUR 145:9

Manetualain ndia, malole neu basa hataholi lala'ena, ma Ana sue-lai basa lima tataan-na.

MAZMUR 97:2

Ko'as-sa ma makahatuk-ka okofeo lalan; paletan-na napadeik nai ndoos ma matetuk-ka, ma hoholo-lalanek-ka lain.

MAZMUR 92:5

Nana O tatao-nono'im tao namahoko au daleng-nga, au akamee no namahokok, nanahu O tatao-nono'im.

ROMA 3:25

Manetualain feheni Kristus Yesus, fo ela no mamaten ndia, hataholi daebafa ka nanafa'dak natapo'i neme sala-singo ka mai, metema lamahele neun. Manetualain tao leondiak soaneu natu'du ndo matetu na. Nana nai tepo lele makahulu na, Manetualain ta haelai namanasa hataholi daebafa ka sala-singo nala fa, de nalosa Ana ta huku fas.

YUNUS 4:11

Hapu nai bee, Au daleng-nga ta he'dis-sa, no dudu'a-dodoo Niniwe, kota matuaina ndia fa. Nana fe'ek neme bana fo ta hapu leke-na dede'un-nala ndia fa, nai ndia boeo hapu ni'iana lena neme 120.000 ala beita hapu mete lalelak, beek kande malole, do beek kande mangalauk fa.”

YESAYA 40:28

Masa bole, o ta bubuluk, ma ta mamanene fa? Amak-ka nde, Manetualain fo, manaketu-basa taak-ka, fo mana makadada'dik daebafak-ka lala'en-na. Ana ta sota-mangu nita fa; hataholi daebafak, ta hapu neuk nala dudu'a-aafin fa.

MAZMUR 147:9

Ana fe bana-manu nana'ak, ma neu manupui kaa, anan-nala, fo ala nggasi loke la'a.

AYUB 37:23

Te'e-te'e, ita Manetualain, koasan-na ba'un-na seli; ita ta tapalani deka fan, Ana tao tunga ndoon-na, ma ndoos ma matetuk tataas esa; Ana beita tuni-ndeni nita hataholi daebafak-ka fa.

AYUB 7:20

Hai, au Manamaneang-ngonei, ade O ta hapu nanalak, hu kande au sala-singong do? Tao le'e de, O pake au, da'di leo O kokouisim-ma mamana totolan-na? Ade au da'di lelepa mabela ba'eneu O do?

NEHEMIA 9:6

Basa boema, laun Israel-la hule-haladoi lae, “O nde Manetualain, O nde Fo Ka'da Kisak; O makadada'dik nduuk ma lalai maloa lala'en-na, boeo tasi ma daebafak-ka no basa oe isin lala'en-na, boema O fe maso'dak ma O makaboboi, Basa koasa manai lalai lala'en-na, sene-do'ok neu O; ala lakatele neu O, ma sene-do'ok.

SEMUEL SUSULAK-KA ESAN-NA 14:15

Manada'dik ndia taon-na hataholi Filistin manai mamana ofuk-ka ma manai mook-kala, dele. Basa laun Filistin lala'en-na loo manamanea manai uma naneak-kala, boema nakodaa-la bii; lena-lenak daebafak-ka dele, ma nakalupu matuaina da'di.

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

KELUARAN 9:28

Hule-haladoi neu Manetualain leona; ami doi-dosom-ma dai so, nanahu mangguluk ma u'da eis ia. Neukose, au po'i emi la'o. Emi boso boe leo meme ia bai.”

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

ULANGAN 7:9

Mafandendelek mae ka'da emi Manetualaim-ma mesa-mesak-kana nde Manetualain-na, ma Ndia nde Manetualain fo manalilinekak. Manetualain tao natetu hehelu-balataan, ma natu'du nahele susue-lalain neu hataholi fo, manasue-lain neun-na, ma manatunga paletan-nala, losa bobongik lifun esa.

MAZMUR 31:20

O dale malolem-ma, ba'uk-ka nanseli, de O sadian ba'eneu hataholi kamahehelek-ka! Basa hataholi-la lita tatao-nono'i malole, fo O taon ba'eneu sila fo manamasulu-mahapa neu O-a.

RATAPAN 3:23

beuk tataa esa tunga-tunga fafain-na tete'ek-ka, Manetualain manalilinekak nanseli!