MAZMUR 35:15 - Susula Malalaok Hehelu Palak Ma Hehelu Beuk

¹⁵ Tehu nai lelek au susa, sila lamahoko, ma lakamomotu-la au, fo ala la'ban au. Ala la'ok sama leo hataholi ei helak-ka, fo lakamumulu-lakamamaek au.

MAZMUR 35:15 Referans Kwoze

MARKUS 14:65

Boema hataholi de'ubee lai ndia, ala mulai tupee lakadoe Yesus ape, ma ala potiketu mata na de ala fepan, boema lafa'dan lae, “So'ba neuk su'dik, see ka nde fepa O a?” Manamanea la boeo ala fapa Yesus.

MAZMUR 7:2

Ou Manetualain fo au Manetualaing-nga, au asulu-ahapa neu O; soi-tefa, ma soi-po'i au neme basa hataholi manausi au-a mai.

1 KORINTUS 13:6

Hataholi manasu-lai hataholi fe'e ka, ana ta hii tatao-nono'i mangalau ka fa, te ana hii ka'da tatao-nono'i malole.

HATAHOLI 17:5

Tehu hataholi Yahudi la lape'da dalek. Lalo la hataholi mada'baoek manai eno kala lain de lapadedeik hataholi mana tao tasi'bu la nakabubua na. Boema ala mulai tao tasi'bu nai basa kota ndia lala'ena. Leu sapu la hataholi kamahehelek esa na'de Yason uma na fo ala sanga Paulus no Silas, nana ala sanga lo duas leu lataa hataholi makadoto kala.

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

AMSAL 17:5

See hakinonoli hataholi nuu-taa hata-taak-ka soona, nakamumulu-nakamamaek Manetualain, fo manamakadada'dik-kana. See namahoko-setelee soaneu hataholi ua-nale poke-pake-a soona, tao leo bee-o, ana hapu huhukuk.

MAZMUR 69:12

Au pake si'di kalong, fo da'di ta'du-tana manasusak, tehu ala kokolak holo au.

MAZMUR 57:4

Nataa au neme nusa so'dak-ka mai, de Ana soi-tefa-na au; Ana sengi hataholi manatuni-ndeni au-a. Neukose Manetualain natu'du nae Ana lilineka neu au, ma Ana sue-lai au tataas esa.

MAZMUR 41:8

Basa hataholi fo manamakamuu-makadau au lamakukutuk; ala kokolak hata fo ta malole nanseli la'eneu au.

MAZMUR 38:17

Boso po'ilotak au musung-nga namahoko nita au susang-nga, boso po'ilotak ala kokolak bafalouk metema lita au kosik.

MAZMUR 35:8

Nemen-na fo, mamate-momopok-ka, tuni-nalas no kaiboik. Nemen-na fo, sila hihi'in-na, nala seluk-kasa, boema ala tu'da fo, mate-mopos.

MAZMUR 22:16

Au botolii koko'dong-nga namatuu sama leo fale fangik-ka, au maang-nga nakadita-na, au tanalaing-nga. Manetualain, O la'oela au nai daesopuk lain, sama leo hataholi manamate basak-ka so.

AYUB 31:29

Beita la'i esa fo, au amahoko, hu kande au musung-nga doi-doso, do au amahoko, hu kande ana hapu soe.

AYUB 16:9

Manetualain sii-sii lulu'i au aopaang-nga no nasak; Ana mete au no mata panan pila lo'a-lo'a.