MAZMUR 35:10 - Susula Malalaok Hehelu Palak Ma Hehelu Beuk

¹⁰ Au afa'da no au dale katema tuang-nga ae, “Manetualain, See kande sama leo O! O soi-po'i tapandoes-sa neme mabe'i-balakaik-ka, nuu ta-hata taak ma doidosok-ka, neme tuni-ndenik-ka mai.”

MAZMUR 35:10 Referans Kwoze

MAZMUR 140:12

Nemen-na fo, susa-soe tuni-na hataholi fo ana hii ka'da nale'a-napilik-ka, boso po'ilotak hataholi manakokolak nanggenggeo hataholi na'den-na, ana leo daebafak ia.

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

MAZMUR 109:31

Nana, nasala'e ma soi-tefa-nala hataholi nuu ta-hata tak-ka, neme hataholi fo, laketu huhuku mamates soaneun.

MAZMUR 86:8

Ou Manetualain, ta hapu lamatua daebafak sama leo O fa, ta hapu hataholi bisa tao hata fo, O taon fa.

MAZMUR 71:19

Ou Manetualain, O ndo ma matetum-ma, dema lalai; O tatao-nono'im-mala matuaina; see sama-na leo O?

MAZMUR 51:8

O mahiik dale ndoos-sa; tao mahenu au daleng-nga nenik O manatee-tenom-ma.

MAZMUR 18:17

Manetualain look liman-na neme lain mai de Ana ho'u-na au, de Ana hela-na au neme oe mademaina dale mai.

MAZMUR 38:3

O kou-kou isim-ma, ana tola de ana hina au aopaang-nga, au ame'da O lima belam-ma, ne'e au.

MAZMUR 34:20

Hataholi malole-a, doi-doson makadotok, tehu Manetualain soi-po'in neme basa sila-la mai.

MAZMUR 32:3

Nai lelek au ta manaku au sala-singong fa, au doi-doso nanahu au ahoo tunga faik.

MAZMUR 22:14

Lasasale matak loo au no bafan-nala beepoo, sama leo singa nanggao fo ana kaa.

MAZMUR 10:14

Tehu O mitan; O taoafik neu toto'a-tataak, ma doidosok-ka, ma O maheheleaom tataas esa, soaneu tulu-fali. Hataholi tapandoes-sa, ana fe aoinan-na neu O, O tulu-fali hataholi nuu ta-hata tak-ka, tataas esa.

YESAYA 40:25

See kande, o mafa'da mae, mata-aon sama no Manetualain Fo Malalao-malalafuk-ka? O sanga makasasamak-kana no see ka?

YESAYA 40:18

Da'di, o sanga makasasamak Manetualain no see? See kande, o mafa'da mae, mata-aon sama no Manetualain?

MAZMUR 102:3

Boso lepos masadea au, metema au nai susa dalek. Mamanene leon, metema au aloo bou-bou, fo mataa au no lai-laik.

MAZMUR 69:33

Hataholi nanatuni-ndenik-ka, nita ndia, boema namahoko-setelaa, ma hataholi manasene-do'ok neu Manetualain-na, lamatutua dalen-nala.

MAZMUR 37:14

Hataholi mangalauk-ka, ana fe'a tafainan-na, ma ana kou kou-kou isin-na, fo ana taonisa hataholi nuu ta-hata tak-ka, ma manadoi-dosok-ka, fo ana do'do-pau hataholi fo, so'dan-na malole.

MAZMUR 34:6

Hataholi nanatuni-ndenik-ka, namahena neun, de Ana namahoko-setelee, ala ta lanuu ne'ek soaneu ala bii-mae fa.

MAZMUR 22:24

Koa-kion leon, hai hataholi kamahehelek-kala lemin! Mamatutua-mamademan leon, hai Jakob tititi-nonosin-nala lemin! Sene-do'ok neun leon, hai basa Israel tititi-nonosin-nala lemin!

YEREMIA 10:7

See ndia fo ana ta nau namahele fa, neu O, manek la'eneu leoina-la? Te'e-te'e o manafe ha'da-holomata nanseli. Neme basa malelak fo manai leoina-la tala'da ma neme basa sila manen-nala mai, ta hapu hataholi esa boen naksasamak no O fa, Ou Manetualain.

2 SEMUEL 22:18

Ana soi-tefa-na au, neme musu mabe'i-balakaik-ka mai ma neme hataholi fo ta lahiik au fa nanahu sila balakain-na, ba'un-na seli ba'eneu au.

MAZMUR 51:10

Nemen-na fo, au amanene halak namahokok-ka, fo ela au daleng fo O tao makalulutuk-kana ia, ana eeki-natadale seluk.

MAZMUR 103:6

Manetualain nakalala'ok hoholo-lalanek ma ndoos ma matetuk-ka, ba'eneu hataholi nanatuni-ndenik-ka.

MAZMUR 140:13

Au bubuluk, O fe ndoos ma matetuk-ka neu hataholi nanatuni-ndenik-ka, ma O masala'e hataholi nuu ta-hata tak-ka dede'an-na.

MAZMUR 146:7

Ana nasala'e hataholi nanatuni-ndenik-ka hak-ka, ma Ana fe hataholi kamala'ak-ka, na'a. Manetualain soi-po'i, basa hataholi nanahukuk-kala,

YEREMIA 20:13

Makame ba'eneu Manetualain ma koa-kion nana soi-po'i hataholi manatuni-ndenik-ka neme hataholi manake'di-ndiuk-ka koasan-na mai.