MAZMUR 33:4 - Susula Malalaok Hehelu Palak Ma Hehelu Beuk

⁴ Basa Manetualain dede'a-kokolan hapu nananamahelek; Ana lilineka nai basa tatao-nono'in-na dalek.

MAZMUR 33:4 Referans Kwoze

MAZMUR 12:6

Manetualain nae, “Hataholi nuu ta-hata tak-ka, nanatuni-ndenik, ma hataholi manadoi-dosok-ka, hoo-nggu'u. Hu ndia de, besak ia boe, Au mai uni fes mole-dame fo ala lahiik-kana.”

TITUS 1:2

Nanolik ndia nae, hu no namahehena ka de, neukose ita hapu so'da matetu ka, ma mana ketu basa ta ka. Manetualain helu basa so'dak ndia ndek daebafa ka beita da'di fa Manetualain ta nasapepeko-nasandandali fa.

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

MAZMUR 119:75

Ou Manetualain, au bubuluk, ae O nakeketum-ma, ndoos ma matetuk. O huku basa au so, nanahu O lilinekam.

MAZMUR 19:8

Manetualain hoholo-lalanen ndia matetu-mandaak, ana tao makasufu samanek-ka. Manetualain paletan-na, hapu nananamahelek, ana fe hataholi fo dudu'a-aafin bei ta namadai fa manatee-tenok.

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

AMSAL 30:5

Manetualain tao natetu hala hehelun lala'en-na. Ndia sama leo babaa fanak esa, ba'eneu basa hataholi fo, ala mai lasulu-lahapa neun.

MAZMUR 119:128

Hu ndia de, au aso'da, nandaa no basa O natutu'dum-mala; au ta ahiik ha'da-paliik fo, ta matetuk-ka fa.

ROMA 7:12

Agama hoholo-lalanen no basa paleta manai hoholo-lalanek ndia dale ka, neme Manetualain mai de matetuk ma malole.

MAZMUR 96:13

Nana Manetualain mai paleta nai daebafak-ka, Neukose Ana naketu-nala'di leoina-la no ndoos ma matetuk, ma tunga ndoo-na.

KEJADIAN 24:27

Nae, “Koa-kio Amak, fo au tuang Abraham Manetualain-na. Se'kona Manetualain manalilinekak, ma dalen-na malole neu au tuang Abraham. Ana hela-nole au tutik, leo tolanoo ka'a-fa'din neu.”

MIKHA 2:7

Boso maedaenga, Manetualain supa-soo basa hataholi Israel-la so! Neukose Manetualain ta tao dede'ak leondiak-ka fa. Beita la'iesa fo mopo dudu'a-aafi manalun-na fa. Ade, Ana ta kokolak no mangana'uk neu hataholi fo manatao dede'a ndoos-sa fa do?”

MAZMUR 25:10

Hataholi fo ana tunga hehelu-balataan ma hoholo-lalanen-na, Ana taon no susue-lalaik ma lilinekak.