MAZMUR 32:11 - Susula Malalaok Hehelu Palak Ma Hehelu Beuk

¹¹ Hai hataholi kamahehelek-kala lemin, mamahoko ma setelee Leona, nanahu hata fo Manetualain tao-no'i basan so. Hai basa hataholi fo, dale ndoos-sala lemin! Eki ma matadale leona!

MAZMUR 32:11 Referans Kwoze

MAZMUR 64:10

Boema basa hataholi-la, neukose bii-lamata'u; ala dudu'a-dodoo Manetualain tatao-nono'in boema ala tui-benga hata fo, Ana tao-no'i basan so.

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!

MAZMUR 97:12

Mamahoko-setelee leona, hai hataholi dale ndoos-sala lemin, nanahu hata fo, Manetualain tao basan so, ma moke makasi neu Manetualain, fo malalao-malalafuk-ka.

MAZMUR 97:1

Manetualain nde bee-na, Manek! Ela leo bee-na, daebafak-ka eeki-latadale, ma pulu-pulu-la lamahoko-setelee.

MAZMUR 5:11

Hukus leon ou Manetualain, nemen-na fo ala hapu soe, hu kande sila dale tutu'u mesan-na. Usi henis leona, nanahu sila sala-singon makadotok nana ala lena-la'ban O so.

MAZMUR 68:3

Manetualain usis henis, de ala la'o, sama leo anin-na fuu ha'imasuk-ka de mopon sama leo lilik-ka faa nai ha'i dale, leondiak boe, hataholi mangalauk-ka, mopok-kana neme Manetualain matan-na mai.

MAZMUR 33:1

Hai hataholi kamahehelek-kala lemin, eki ma matadale leona, nanahu hata fo Manetualain tao-no'in; ela leo been-na, hataholi dale ndoos-sa koa-kio,

ULANGAN 12:12

Emi sama-sama moo emi anam-mala, emi atam-mala, ma hataholi Lewi manaleo manai emi kotam-mala, hu kande, ala ta hapu dae baba'ek nai emi nusam-ma fa, ela leo been-na, emi basa-basam-mala, mamahoko nai emi Manetualaim-ma matan-na.

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.

FILIPI 3:1

Tolano-tolanoo ngala lemin! Mate'e na, ela leo bee na emi mamahoko nanahu emi da'di esa mo Lamatua ka so. Au ta ame'da belak soaneu kokolak asafali seluk hata fo makahulu na au sulak basan, de au fen neu emi a so; ninik dede'ak sila la, malole soaneu emi maso'da ma.

ROMA 5:11

Lenak neme ndia mai, ita boeo tamahoko nai Manetualain dalek, tunga ita Lamatuan Yesus Kristus. Nana besak ia ita hapu mole-dame ndia tunga Kristus.

ZAKHARIA 4:7

Leomae mana mapanggenggek-ka ba'u letek-ka boeo, neukose nanasi'u henik neme o matam-ma mai. Neukose, o mafofo'a falik Au Umang-nga, ma nai lelek o pe'da batu makasososak-ka neu mamanan-na, neukose hataholi-la laloo beboo lae, ‘Mana'ahiik nanseli!’ ”

MAZMUR 125:4

Ou Manetualain, tao malole neu hataholi malole, ma neu hataholi fo, dalen-na ndoos.

MAZMUR 32:2

Maua-manalek ba'eneu hataholi fo, tatao-nono'i mangalaun-na, Manetualain ta leke fan, ma hataholi fo, ana ta nau tipu-dai fa.

MAZMUR 7:10

Tao mate'e hataholi malelesik-ka tatao-nono'i mangalaun-na, ma matetea-mahehele hataholi malole-a dalen-na nana O Manetualain fo ndoos ma matetuk, ma manafola hataholi daebafak-ka dalen-na ma dudu'a-aafin.

SEMUEL SUSULAK-KA ESAN-NA 2:1

Boema Hana hule-haladoi nae, “Manetualain tao-na au daleng-nga namahoko; tatao-nono'in tao tesa-tama au daleng-nga. Au ame'da au aua-anale, de au hakinonoli au musung-ngala, nana te'e-te'e, Manetualain tulu-fali basa au so.

MAZMUR 98:4

Eeki-matadale ba'eneu Manetualain leona, hai basa daebafak-ka lala'ena lemin! Koa-kio Manetualain nenik nakameek, ma eeki-natadalek.