MAZMUR 31:2 - Susula Malalaok Hehelu Palak Ma Hehelu Beuk

² Ou Manetualain, au asulu-ahapa neu O, boso po'ilotak, hataholi tao ba'ihana au daleng-nga. Hu kande O ndoo-matetum-ma, de soi-tefa-mala au

MAZMUR 31:2 Referans Kwoze

MAZMUR 102:2

Ou Manetualain, mamanene au huhule-haladoing, nemen-na fo, au dokodoeng-nga losa O matam.

MAZMUR 86:1

Dauk huhule-haladoin. Ou Manetualain, mamanene au huhule-haladoing, fo mataa au leona, nana au nuu ta-hata tak, ma tapandoes.

MAZMUR 130:2

Manetualain, mamanene au hala naloloong-nga, ma taoafik neu au dokodoeng-nga.

ULANGAN 32:31

Israel musun-na, ana bubuluk, nae sila manamasulu-mahapan-na, ta sama leo Manetualain, fo Israel manamasulu-mahapan-na fa.

1 YOHANIS 4:12

Beita hapu hataholi esa boen, hapu nita Manetualain fa, tehu metema ita tasue-talai ao soona, Manetualain naso'da no ita, fo susue-lalain natetu-nandaa nai ita dalek.

YOHANIS 6:56

Hu ndia de, metema see na'a Au ao paa nga, ma ninu Au ao daa nga soona, ana da'di esa nahele no Au, ma Au da'di esa ahele o hataholi ndia boe.

LUKAS 18:8

Mamahele leona! Te neukose no lai-laik, nasala'e dede'a nala! Tehu metema Ana Hataholi ka mai soona, ade bei natongo no hataholi fo namahele neun nai daebafak ia do ta?”

YESAYA 33:16

Soona neukose, emi nananasulu-nahapak, ma matapo'i neme soe-a mai, nono'kabai, nai kota musu matea-mahelek dale. Neukose, nana'ak ma nininuk, nanasadiak ba'eneu emi.

AMSAL 22:17

Mamanene te, au sanga anoli emi, hataholi dodole maneu-la nanoli-nafa'dan! Taoafik neu, au nanoling-nga.

MAZMUR 143:7

Ou Manetualain, mataa au no lai-laik leona, nana ketu au namahehenang-na so. Boso mafuni meme au mai, fo ela, au boso sama leo hataholi fo, ana kona leo daebafak mamates-sa neu.

MAZMUR 94:22

Tehu Manetualain nde bee-na, au manamasala'eng-nga, au Manetualaing-nga, Ana da'di au manamasulu-mahapang.

MAZMUR 91:9

Nana, o tao Manetualain da'di o manamasala'em-ma. Fo Mademaina o taon da'di nasulu-nahapak.

MAZMUR 90:1

Musa, fo Manetualain atan-na, huhule-haladoin. Ou Manetualain, O nde ami mamana nasulu-nahapan, neme bobongik leo bobongik neu.

MAZMUR 79:1

Asaf Kokoa-kikion. Ou Manetualain, leoina fo, ta lalelak O fa, langatuu-la, O dae pusakam-ma so, Ala tao langgenggeo O Umam-ma, ma ala tao-la Yerusalem da'di ai-batu madodouk.

MAZMUR 69:17

Mataa au, ou Manetualain, nana O malole ma O sue-lai mahele. Sa'di leo bee-na lepos o langam-ma leo au mai, nana O dale kasiam-ma, ba'un-na seli.

MAZMUR 62:7

Ka'da Ndia nde nasulu-nahapa, ma soi-tefa au; Au manasoi-manatefang nde Ndia, de au ta anggengo fa.

MAZMUR 40:17

Ela leo been-na, hataholi manasene-do'ok neu O-a, lamahoko ma setelee, ma hataholi manasue-lai so'da-molek neme O mai-a, lafa'da lakandoo lae, “Tete'ek-ka, Manetualain matua-madema!”

AYUB 7:21

Ade, O ta hapu fe do'o do ampon neu au sala-singong fa do? Ade tean-na seli, soaneu O koka heni au salang-nga do? Dodoo faa te, au akandondoo nai lates dale, de metema, O sanga au soona, neukose O ta hapu au fa.”

2 SEMUEL 22:3

Manetualain sama leo kota musu matea-mahelek au mamana nasulu-nahapang. Au Manetualaing-nga, sama leo lete batu, au mamana hahaeaong. Sama leo babaa fanak, fo ana babaa au, ma nanea au, fo ela au nee-nee lino-lino tataasesa.

MAZMUR 7:2

Ou Manetualain fo au Manetualaing-nga, au asulu-ahapa neu O; soi-tefa, ma soi-po'i au neme basa hataholi manausi au-a mai.

MAZMUR 25:2

ou au Manetualaing, au amahele neu O! Boso po'ilotak au nananakamumulu-nakamamaek, ma au musung-ngala eeki-latadale au.