MAZMUR 31:18 - Susula Malalaok Hehelu Palak Ma Hehelu Beuk

¹⁸ Ou lamatua daebafak, boso po'ilotak au hapu mamaek, o Manetualain, nana au aloo bou-bou neu O. Nemen-na fo hataholi mangalauk-ka nananakamamaek, ma no denge-dengek, ana kona leo hataholi manamatek-ka, daebafan-na neu.

MAZMUR 31:18 Referans Kwoze

YUDAS 1:15

fo laketu-lala'di basa hataholi lala'e na. Ma neukose Amak Manetualain huku hataholi mangalau kala, nanahu tatao-nono'i nala, mangalauk. Boema neukose Ana huku hataholi masala-masingo kala, ma hataholi malena langa-masaba soo kala, nanahu hala-kokola nakamumulu-nakamamaek fo ala kokola kana.”

MAZMUR 94:4

Ala kokolak dede'a manggenggeok, ma ala koao-ndaeao lenik sila tatao-nono'i mangalaun-na.

SEMUEL SUSULAK-KA ESAN-NA 2:3

Hahae o tutui bafa loum-ma leona! Hahae o kokola manakoao-ndaeaom-ma leona! Nana Manetualain ndia, Manetualain fo manabubuluk basa hata lala'en-na; fo mananaketu-nala'di basa hataholi-a tatao-nono'in lala'en-na.

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

HATAHOLI 25:7

Lelek fo Paulus losa boema, hataholi Yahudi manamaik leme Yerusalem mai a, lapadeik okofeo lan de ala mulai tui sila kalaa mabela ina na neu Paulus. Tehu sila kalaa na, butin ta.

YOHANIS 8:48

Boema hataholi Yahudi la lataa Yesus lae, “Ade tete'e ka ami ta mafa'da mae, O hataholi Samaria nitu sa'ek fa do?”

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

MATEOS 12:24

Lelek hataholi Farisi la lamanene dede'ak ndia boema lae, “Hataholi ia, hapu usiheni dula dale mangalauk ndia, nana Baalzebul, fo nitu mangalau kala malanga na, ana fe basan koasa ndia so.”

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

AMSAL 12:19

Masapepeko-masandandalik-ka, neukose nanabubuluk nai hatematak esa mesak-kana tehu dede'a-kokolak ndoos-sa, neukose nahele losa dodoon-na.

MAZMUR 120:2

Ou Manetualain, soi-tefa-mala au neme masapepeko-masandandalik, ma manake'di-ndiuk-ka mai.

MAZMUR 63:11

Neukose mates lai natee-natatik dale, fo ala da'di bana makaa-makisuk-kala nana'an.

MAZMUR 59:12

Boso taomisas ou Manetualain, fo ela au leoinang-nga boso nafandele henin. Tao tapasasalas ma sengis menik O koasam-ma, ou Manetualain fo ami manamasulu-mahapam.

MAZMUR 12:3

Sila basa-basas, esa nasapepeko-nasandandali esa, esa tipu-dai esa, nenik hala-kokola makee-mamina.

2TAWARIKH 32:16

Bei hapu dede'a-kokolak fe'ek fo Asyur hataholi nadedenun sila-la kokolak-kana soaneu lakamumulu-lakamamaek Manetualain ma Hizkia, fo Manetualain atan ndia.

MATEOS 10:25

Metema ni'iana sakola ana esa, ana da'di sama leo mese na, ma ata esa, ana da'di sama leo malanga na soona, dai so. Makanaema malanga uma lo a, ala foi basa na'de na lae Baalzebul, soona muda hata no uma isi nala bai. Neukose ala fes na'dek esa, mangalau na ba'u lena seluk ndia bai!”

MAZMUR 25:3

Hataholi fo nalelesi O-a, neukose nananakamumulu-nakamamaek, tehu hataholi fo namahele neu O-a, neukose dalen-na ta ba'ihana fa.