10 Ou Manetualain, sue-lai au, nana au ai toto'a-tataak-ka dalek; au matang-nga nake'te, nanahu au kii, au samanen-nga male-tale
Ou Manetualain, tao le'e de, O ta sipok au fa? Tao le'e de, O lepos O mata-panam neme au mai?
O kou-kou isim-ma, ana tola de ana hina au aopaang-nga, au ame'da O lima belam-ma, ne'e au.
Au doidoso ma au dale nga he'di nanseli,
Boema Manetualain tao nate'e so'dan-nala, sama leo ani hahaek-ka, sila teun-nala basan nai bibii-namata'uk-ka dalek.
Ho'i-ma O huhukum-ma neme au mai, nana au hihii mate, nanahu O fefepam-ma.
Ou Manetualain O masanggango heni au losa faihi'da? O keke meme au mai losa faihi'da?
Mananggati au nana'ang-nga, nde hoo-nggu'uk-ka, Au ta hahae haladoik-ka fa.
O boso tu'u-tapa heni au, nai au fai lasing-nga dalek, boso la'oela au, metema au be'i-balakaing ta so,
Au matang-nga keluha'bu, nanahu dale he'dik-ka, ma nasalalalok, nanahu au musung-ngala.
Ou Manetualain mamanene leona, metema au aloo bou-bou neu O, sue-lai au ma mataa au leona!