MAZMUR 3:5 - Susula Malalaok Hehelu Palak Ma Hehelu Beuk

⁵ Au aloo bou-bou neu Manetualain; neme pupukun fo malalao-malalafuk-ka mai Ana nataa au.

MAZMUR 3:5 Referans Kwoze

MAZMUR 4:8

O fe au, namahoko-seteleek, lena ba'uk-ka neme sila fo, nai lelek sila gandum-ma sasi kao-kao.

AMSAL 3:24

Neukose o muu sungu no ta bii-mamata'u fa, de o sungu mamanee le'odae katemak esa dalen-na.

YESAYA 26:3

Manetualain, O fe mole-dame, ma tetu-temak neu hataholi fo dalen-na, natea-nahele, nana namahele neu O.

IMAMAT 26:6

Neukose, Au fe emi so'da-molek nai emi nusam ndia dalek, nalosa emi bisa sungu no nee-nee lino-linok, ma emi ta bii-mamata'u neu su'di see boen. Neukose Au tao amopo-amate bana makaa-makisuk-kala neme nusak ndia dalek mai, ma neukose ta hapu natee-natatik nai emi nusam-ma so'on.

AMSAL 18:10

Manetualain ndia, sama leo uma puni madema mateaina; hataholi dale ndoos-sa, neu leo naa neu, de ana hapu mamanak fo, nee-nee lino-linok.

MAZMUR 127:2

Palsuma la'iesak-kana, puselaipana no ue-le'dis, fo sanga so'dak-ka, fo'a fafaik, ma sungu fatila'dak; nana nai lelek ala bei sungu, Manetualain sadia basan ba'eneu sila fo Ana sue-lain so.

AMSAL 14:26

Hataholi fo namahele neu Manetualain-na, ana hapu tetu-temak, ma teidalen-nala, neukose ala hapu nasulu-nahapak.

MAZMUR 66:9

Ana nanea basa ami so, fo ela ami maso'da mahele, ma Ana ta po'ilotak ami tu'u meu fa.

HATAHOLI 12:6

Sanga balahaa fo Herodes palisak Petrus dede'a na nai lea matan boema, le'odaek ndia Petrus sungu no nanapa'ak ninik namosina dua nai solda'du mana manea dua tala'da. Solda'du mana manea fe'e kala boeo, bei lanea lahele nai uma bui lelesu nala.

MAZMUR 34:5

Au hule-haladoi neu Manetualain de Ana nataa, boema Ana soi-po'i au neme bibii-namata'uk lala'ena mai.