MAZMUR 27:9 - Susula Malalaok Hehelu Palak Ma Hehelu Beuk

⁹ boso mafuni meme au mai.” Boso mamanasa, ma tipa O atam-ma, nana O nde tulu-fali basa au so. Boso tu'u-tapa do la'oela au, ou Manetualain, fo au manasoi-manatefang-nga.

MAZMUR 27:9 Referans Kwoze

MAZMUR 69:17

Mataa au, ou Manetualain, nana O malole ma O sue-lai mahele. Sa'di leo bee-na lepos o langam-ma leo au mai, nana O dale kasiam-ma, ba'un-na seli.

MAZMUR 143:7

Ou Manetualain, mataa au no lai-laik leona, nana ketu au namahehenang-na so. Boso mafuni meme au mai, fo ela, au boso sama leo hataholi fo, ana kona leo daebafak mamates-sa neu.

MAZMUR 102:2

Ou Manetualain, mamanene au huhule-haladoing, nemen-na fo, au dokodoeng-nga losa O matam.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

YEREMIA 32:40

Neukose Au tao hehelu-balatak matea-mahelek no sila. Neukose Au ta tao hahae neulauk ba'eneu sila fa. Neukose Au taos ala bii ma ala fe ha'da-holomata neu Au no dale katema-tuak, fo ala boso dook-ka neme Au-a mai.

MAZMUR 24:5

Hataholi ndia nde, neukose Manetualain ba'e-palan ma soi-tefan, ma Manetualain nafa'da nae, hataholi ndia salan ta.

MAZMUR 119:121

Au akalala'ok basa hoholo-lalanek, ma ndoos ma matetuk-ka so, de boso fe au leo, au musu noong-nga liman neu.

MAZMUR 88:1

Nakameek. Tei dalek Korah Kokoa-kikion. Soaneu mauli-malanga nakameek-ka. Tunga nakameek: Mahalat Leanot. Heman fo hataholi Ezrahi, nakamee nanolin-nafa'da.

MAZMUR 51:11

Lepos masafali O mata-panam neme au sala-singong mai, ma lose heni basa au salang-ngala lala'ena.

MAZMUR 44:24

Fo'a leon, ou Manetualain! Tao le'e de, O sungu? Fo'a leona! Boso tipa ami losa dodoon-na.

MAZMUR 13:1

Soaneu mauli-malanga makameek-ka. Dauk kokoa-kikion-na.

SEMUEL SUSULAK-KA ESAN-NA 7:12

Basa ndia boema, Semuel napadedeik batu esa nai Mizpa no Sen dae toon-na. Nafa'da nae, “Tete'ek-ka Manetualain tulu-fali ita so.” – boema ana foi batu ndia na'de, “Batu Manatulu-manafali.”

YESAYA 50:1

Manetualain nafa'da Israel nae, “Hai Au anang-ngo nei, o maedaenga, Au usiheni o sama leo saotouk esa, usiheni saoinan-na do? Metema leondiak soona, susulan-naelak-ka, nai bee? O maedaenga, Au ase'oheni o, sama leo amak esa, nase'o anan-na, leo manala'ok hutak-ka neu do? Ta! O nanafook, ma nanatu'u-tapak, hu kande o sala-singom, ma o tatao-nono'i mangalaum-ma!

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

YESAYA 59:2

Hu kande emi tatao-nono'i mangalaum-ma, de Ana ta nau namanene emi, nai lelek emi hule-haladoi neun. Emi sala-singom-mala nde ta'da fe'e emi neme Manetualain mai-a.

MAZMUR 69:18

Boso ke'ke meme O atam ia mai, nana au to'a-ta, de tulu-fali au lai-lai leona.

MAZMUR 102:3

Boso lepos masadea au, metema au nai susa dalek. Mamanene leon, metema au aloo bou-bou, fo mataa au no lai-laik.