MAZMUR 27:11 - Susula Malalaok Hehelu Palak Ma Hehelu Beuk

¹¹ Matu'du au, O hihii-nanaum, ou Manetualain, hela-nole au, leo eno ndoos-sa neu, nana au musung-ngala makadotok nanseli.

MAZMUR 27:11 Referans Kwoze

MAZMUR 5:8

Tehu, hu kande O susue-lalai matuainam-ma, au bole masok leo O Umam dale u. Au sene-do'ok asale leo O Uma malalao-malalafum-ma neu, ma au sene-do'ok O no manatee-tenok.

MAZMUR 86:11

Ou Manetualain, manoli O hihii-nanaum neu au, fo ela au tungan no lilinekak; taom-ma au fe ha'da-holomata neu O, no dale katematuak.

MAZMUR 26:12

Boema soe lala'en-na dook-ka neme au mai, neukose au koa-kio Manetualain nai anan-nala nakabubuan dale.

MAZMUR 119:10

Au sanga enok no dale katematuak, fo au alelak O, boso po'ilotak au singo eme O paletam-ma mai.

MAZMUR 64:6

Ala ho'u lahele dale tutu'u mangalaun-nala, ma lakokolaok, fo ala sanga lona hihi'ik; laedaenga, hataholi ta nita fa.

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

MAZMUR 25:9

Manetualain hela-nole hataholi manamakaloe-makadae aok-ka, ma nanolis hihii-nanaun-na neus.

LUKAS 20:20

Da'di ala sanga fai lelak malole. Ala solok hataholi soaneu ala tao da'dileo hataholi ndoos, fo ladenu hataholi sila la lakahihi'ik Yesus ninik natatanek, fo ela ala hapu fen leo Gobelno la koasan dale neu.

AMSAL 8:9

Ba'eneu hataholi dodole maneua, au kokoang-nga la'en, ba'eneu hataholi fo manatee-tenok-ka, soon au kokolang-nga matetuk.

MAZMUR 25:12

Manetualain nanoli hataholi kamahehelek-ka enok fo ala muse la'ok tungan.

AMSAL 15:19

Hataholi pelatua-mangananalok-ka, neukose la'ola'di toto'a-sosotak tataas esa; tehu hataholi manatao tunga ndoon-na, ta hapu toto'a-sosotak fa.

MAZMUR 54:5

Nana hataholi nusa dea-la fo'a fo ala sapu-la au, hataholi manakoao-ndaeaok-ka, nahiik taonisa au, ala ta taoafik neu Manetualain fa.

MAZMUR 5:9

Ou Manetualain, au musung-ngala makadotok! Hela-nole au fo tao-no'i O hihii-nanaum, ma matu'du O enom fo au muse tungan.

MAZMUR 139:24

Mete te, fafa'kama hapu mangalauk nai au so'dang-nga dalek, fo hela-nole au leo enok manaketu-basa taak-ka neu.