MAZMUR 25:5 - Susula Malalaok Hehelu Palak Ma Hehelu Beuk

⁵ Manoli ma hela-nole au, fo au aso'da tunga O hihii-nanaum, nana O nde Manetualain fo manasoi-tefa au, au amahena tataas esa neu O.

MAZMUR 25:5 Referans Kwoze

AMSAL 8:34

Namahoko-seteleek ba'eneu hataholi fo namanene neu au, fo su'di faik nangatuk nahani nai au umang-nga lelesun-na, ma manamaneak nai au mamana leleong-nga lelesuinan-na.

MAZMUR 25:10

Hataholi fo ana tunga hehelu-balataan ma hoholo-lalanen-na, Ana taon no susue-lalaik ma lilinekak.

YESAYA 30:18

Leomae leondiak boe, Manetualain nahani talu-talu no fain-na, soaneu natu'du susue-lalain neu emi. Ana naheheleaon, soaneu sue-lai emi. Nana, Manetualain nde been-na, Manetualain fo manatao hata fo, nandaa. Maua-manalek ba'eneu hataholi fo, namahena neun.

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”

YOHANIS 14:26

Tehu Manetualain Dula Dalen Fo Mana Tulu-Fali ndia, neukose Ama ka nadenun ana mai no Au na'de nga, fo Ndia nde, neukose nanoli emi basa hata lala'ena, boema Ana fe emi nafandendelek soaneu basa hata fo Au afa'dan neu emi so.

YOHANIS 16:13

Tehu metema Dula Dalek fo manamafa'da ndoos soaneu Manetualai na, ana mai soona, neukose Ana hela nole emi, fo emi malelak basa eno ndoos lala'ena. Neukose Ana ta nafa'da seluk aoina na nde ndia fa, tehu nafa'da hata fo namanenen, boema neukose nafa'da emi, hata fo neukose ana da'di nai fai makabuin.

MAZMUR 88:1

Nakameek. Tei dalek Korah Kokoa-kikion. Soaneu mauli-malanga nakameek-ka. Tunga nakameek: Mahalat Leanot. Heman fo hataholi Ezrahi, nakamee nanolin-nafa'da.

MAZMUR 79:9

Tulu-fali ami, ou Manetualain, fo ami manasoi-manatefam-ma, fe do'o do ampon neu ami sala-singom, ma soi-po'i ami hu kande O na'dem fo, nanafe ha'da-holomatak ndia.

NEHEMIA 9:20

O manolis menik O koasa malolem-ma La'a manna ma linu oe losa su'di bebe'ik-ka.

1 YOHANIS 2:27

Tehu la'eneu emi soona, Kristus fe basa Dula Dale na neu emi so. Boema metema Dula Dalek ndia bei nahele nai emi dalem dale soona, ta paluu hataholi nanoli emi so'on. Nana Dula Dalek ndia nanoli emi, la'eneu basa hata lala'ena; boema ta hapu masapepeko-masandandalik nai nanolin sila la dalek fa. Hu ndia de ela leo been-na, emi tunga Dula Dale ka nanolin sila la, ma ela leo been-na emi maso'da tataas esa mo Kristus.

ROMA 8:14

Manetualain Dula Dale na hela-nole hataholi see soona, Manetualain anan hataholi sila la.

LUKAS 18:7

Naa, ade Manetualain neukose ta nasala'e hataholi kamahehelen fo lalo bou-bou lon lele'do-le'odaen fa do? Ade nakadodook fai na, fo Ana ta tulu-fali fas do?

YESAYA 49:10

Neukose ala ta maa ma'da, do lamala'a fa, ma neukose, le'do mahaak-ka, ta la'e fas, nai moo solokaek-ka fa. Nana Au, fo manasue-lai sila, neukose hela-noles, ma hela-noles leo oemata-la leu.

MAZMUR 119:66

Fe au manatee-tenok ma malelak, nana au amahele neu O paletam-mala.

MAZMUR 107:7

Ana hela-noles, tunga eno mandoo-a, leo mamana leleok manai kota neu.

YESAYA 42:16

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

YESAYA 54:13

Basa o laum-mala, ala da'di Au ana sakolang, neukose ala hapu tetu-temak ma so'da-molek.

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

AMSAL 23:17

Boso mape'da dalek neu hataholi masala-masingok-ka. Tunga Manetualain tataas esa,

MAZMUR 119:97

Au sue-lai O hoholo-lalanem, ba'un-na seli; au dodoo-tatain, nai fai katemak esa dalen-na.

YOHANIS 6:45

Ala sula kana nai Nabi la Susulan dale nae leo ia: ‘Neukose Manetualain nanoli basa hataholi la.’ Hu ndia de, see namanene Ama ka, ma nanoli neme Ama ka mai soona, ana mai leo Au mai.

MAZMUR 86:3

O nde, au Manetualaing-nga, sue-lai au, ou Manetualain, nana nai fai katemak esa dalen-na, au hule-haladoi neu O.

MAZMUR 24:5

Hataholi ndia nde, neukose Manetualain ba'e-palan ma soi-tefan, ma Manetualain nafa'da nae, hataholi ndia salan ta.

MAZMUR 22:2

Au Manetualaing, ou au Manetualaing, tao le'e de O la'oela au? Au aloo bou-bou, tehu O mahele nai dook-ka, de O ta tulu-fali au fa.

MAZMUR 119:33

Ou Manetualain, manoli au, O nakeketum-mala, sosoa-ndandaan, fo ela au tungan losa mate'en-na.

MAZMUR 119:26

Au manaku au tatao-nono'ing, boema, O mataa au; manoli au, O nakeketum-ma.

AYUB 36:22

Mafandendelek leona, te Manetualain ndia, te'e-te'e koasan-na ba'un-na seli. Ade, hapu mesen fo, malelan-na leo Ndia do ta?

MAZMUR 68:20

Koa-kio Manetualain leona, nana Ndia nde Manetualain, fo manasoi-tefan-na ita; Ana lepa ita bela-ba'un, neme faik leo faik neu.

MAZMUR 25:8

Nana Manetualain malole, ma ndoos ma matetuk, Ana natu'du enok soaneu hataholi manala'ok sala enok-ka.

KEJADIAN 49:18

Ou Manetualain, au ahani talu-talu neu so'da-molek fo, O fee-ka.

MIKHA 7:7

Tehu ita tamahena neu Manetualain; ita tahani ita Manetualain, no namahehele henuk. Neukose namanene ita huhule-haladoin fo Ana soi-tefa-na ita.