MAZMUR 25:13 - Susula Malalaok Hehelu Palak Ma Hehelu Beuk

¹³ Neukose laso'da no tetu-temak lahele, Upu-anan-nala neukose lanuu dae pusaka.

MAZMUR 25:13 Referans Kwoze

MAZMUR 37:11

Hataholi fo, manamakaloe-makadae aok, neukose nanuu dae ndia, fo ana hapu tetu-temak fo manasasi kao-kaok-ka.

AMSAL 19:23

Fe ha'da-holomata neu Manetualain, soona o so'dam-ma naua-nanale; ma neukose, o mame'da dai-ma lena, ma o matapo'i meme soe-a mai.

AMSAL 1:33

Tehu hataholi fo mana mamanene au-a, neukose nananakaboboik. Naso'da no nee-nee lino-linok, ma ana ta paluu bii-namata'u fa.”

MATEOS 5:5

Maua-manalek neu hataholi fo mana makaloe-makadae ao ka; nanahu neukose Manetualain tao natetu hala hehelu na, neu hataholi sila la!

ZEFANYA 3:17

Emi Manetualaim-ma fo mabe'i-balakaik-ka, nananasulu-nahapak emi. Emi sengi nanahu koasan-na. Manetualain namahoko ma setelee, nanahu emi, Nai susue-lalain-na dalek, Ana fe emi so'da beuk. Hu ka nde emi, de nakamee no namahokok

HATAHOLI 2:39

Nanahu hata fo Manetualain helu basan ndia nde bee na soaneu emi mo emi tititi-nonosi mala, boema soaneu hataholi manai mamana doo kala, fo nde hataholi fo ita Lamatuan Manetualain nalo basa kala.”

YESAYA 65:23

Basa hata fo ala tao-no'in, neukose neni buna-boak, ma sila anan-nala, neukose ta mate no kaiboik fa. Sila ma sila tititi-nonosin, neukose Au fes baba'e-papalak losa dodoon-na.

AMSAL 29:25

Bii-mamata'u hataholi dede'a kokolan soona, neninin-na toto'a-tataak. Mamahele neu Manetualain soona, neukose o nee-nee lino-linok.

MAZMUR 37:26

Ana fe hataholi tona tataas esa, ma ana fe, de anan-nala da'di baba'e-papalak ba'eneun.

1 PETRUS 3:10

Nai Susula Malalaok dale nanasulak nae leo ia, “See nau hapu so'dak ma ana nau la'oladi fai-fai malole, soona muse nanea bafa na, fo daenga ana boso kokolak dede'a-kokola mangalauk, ma boso kokolak dede'a masapepeko-masandandalik.

YEREMIA 32:39

Neukose Au fe sila dudu'ak ka'da esa fo nde, fe ha'da-holomata neu Au neme dodoon losa dodoon-na; dede'ak ndia neukose neni malole ba'eneu sila aopaan-na, ma ba'eneu sila tititi-nonosin.

MAZMUR 112:2

Neukose, anan-nala lanuu koasa nusak ia, neukose hataholi malole-a tititi-nonosin, nanaba'e-palak.

MAZMUR 69:36

Neukose Ana soi-tefa-na Yerusalem, ma nafofo'a falik Yehuda kotan-nala. Neukose Manetualain anan-nala leo lai naa; fo dae ndia, da'di sila nuun.

2 PETRUS 3:13

Tehu ita tahani hata fo Manetualain helu ka, fo nde lalai ma daebafa beu ka, fo nai bee hapu ka'da ndoos a, nai ndia.

FILIPI 4:19

Manetualain fo au sene-do'o ka, fo su'i-beten sasi kao-kao nai Kristus Yesus dale ka, neukose Ana tao natetu basa emi paluum lala'ena.

ZAKHARIA 9:17

Mahani te, Manetualain, daen-na malole nanseli, malole ma mana'ahiik nanseli! Angol ma gandum-mala moli no malole nai ndia, fo ana tao-na ta'eanak anafe'oanak boetai balakaik.

ULANGAN 33:12

La'eneu leo Benyamin-na, Musa nafa'da nae: “Manetualain leo susue-lalain-na nde ia-la. Lele'do-le'odaen, Ana nasulu-nahapas, ma Ana leo nai sila tala'da.”

AMSAL 20:7

Ni'iana-la laua-lanale, metema lanuu amak, fo malole ma naso'da tunga ndoon-na.

MAZMUR 63:5

Au oke makasi neu O, nai au fai maso'dang-nga dalek; au so'uk au limang-nga neu O, boema au hule-haladoi,

MAZMUR 37:29

Hataholi manatao malole-a, neukose nanuu dae ndia, fo ana leon losa dodoon-na.

MAZMUR 37:22

Hataholi fo, Manetualain ba'e-palan, neukose nanuu dae ndia, tehu hataholi nanasoo-supak-ka, neukose nanausi henik.

MAZMUR 36:8

Ou Manetualain, O susue-lalaim ba'un-na seli, hataholi daebafak-ka nasulu-nahapa nai O li'da susuem-ma dalek.

MAZMUR 31:19

Sule ketu basa masapepeko-masandandalik-kala bafan-na, nana noo koao-ndaeaok ala hakinonoli hataholi manatao tunga ndoon-na.

MAZMUR 37:9

Nana hataholi manatao, tatao-nono'i mangalauk-ka, neukose mopok-kana, tehu hataholi fo, namahena neu Manetualain-na, neukose nanuu dae ndia.

MAZMUR 37:34

Mamahena neu Manetualain, ma tunga paletan-na, soona Ana so'u o, fo o manuu dae ndia; neukose o mita hataholi mangalauk-ka nanatao namopo-namatek.