MAZMUR 25:12 - Susula Malalaok Hehelu Palak Ma Hehelu Beuk

¹² Manetualain nanoli hataholi kamahehelek-ka enok fo ala muse la'ok tungan.

MAZMUR 25:12 Referans Kwoze

MAZMUR 37:23

Manetualain hela-nole hataholi nai enok fo, ana la'ok tungak-ka, Ana tao natea-nahele hataholi fo, so'dan-na nandaa no dalen-na.

MAZMUR 32:8

Manetualain nae, “Neukose Au atu'du o enok fo, o muse la'ok tungan, neukose Au hela-nole o, ma Au anoli-afa'da o.

YOHANIS 7:17

Hataholi fo ana tunga Manetualain hihii-nanau na, neukose ana bubuluk, ade Au nanoling sila la neme Manetualain mai, do neme Au a mai.

MAZMUR 111:10

Ba'eneu see fo, ana hii da'di manatee-tenok soona, muse ana fe ha'da-holomata neu Manetualain, Ana fe malelak-ka neu basa hataholi manatunga paletan-na. Kokoa-kikiok ba'eneu Manetualain, neme tepo lelek leo tepo lelek neu!

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

AMSAL 1:7

Soaneu hapu malelak-ka huun-na, makasososan-na hataholi-a muse nanuu dudu'a-aafi ha'da-holomata ma bibii-namata'uk neu Manetualain. Hataholi nggoak-ka, ana ta taoafik neu manatee-tenok-ka, ma ana tanau nanoli fan.

AMSAL 16:6

Hataholi manalilinekak neu Manetualain-na, neukose ana hapu do'o do ampon; ma hataholi kamahehelek-ka, neukose nadook aoinan-na neme tatao-nono'i mangalauk lala'en-na mai.

AMSAL 15:33

Bibii-namata'uk neu Manetualain nde been-na, netes ba'eneu nanoli malole-a; ma dale taidaek-ka, nakahuluk neme ha'da-holomata mai.

HATAHOLI 10:22

Boema lae, “Kaptein Kornaliu sa nde nadenu ami mai leo ia mai a. Hataholi ndia dale na malole, ma ana fe ha'da-holomata neu Manetualain, boema basa hataholi Yahudi la fe ha'da-holomata neun. Manetualain ata nusa so'dan esa nadenun fo noke Tuan neu leo uman neu, fo ana da'di neu natataak esa soaneu huhule-haladoin, ma ata nusa so'dak ndia nadenun fo namanene hata fo Tuan sanga nafa'da neun.”

YESAYA 35:8

Neukose, hapu okofoo nai naa, na'de, “enok manaleo so'da-molek-ka neu.” Neukose hataholi masala-masingok-ka, ta tunga enok ndia fa, hataholi nggoak-ka, neukose ana ta taon-na hataholi manatunga enok ndia, sala enok ndia fa.

AMSAL 2:5

No enok ndia, neukose o bubuluk, sosoan-na hata, bii-mamata'u neu Manetualain ma neukose o hapu malelak la'eneu Manetualain.

HATAHOLI 13:26

Tolano-tolanoong fo Abraham tititi-nonosin, ma basa tolano-tolanoo fe'ek manai ia fo mana mamahele Manetualai na lemin! Manetualain haitua fe ita halak fo manini maso'dak ndia so;

HATAHOLI 11:14

Neukose nanduku-nalosak fe o, halak fo neukose nini so'dak fe o mo o uma isi mala.’

HATAHOLI 10:2

Touk ia no basa uma isi nala fe ha'da holomata neu Manetualain. La'iba'u ka ana tulu fali hataholi Yahudi nuu ta-hata ta kala, ma ana hule-haladoi neu Manetualain tataas esa.

1 YOHANIS 2:27

Tehu la'eneu emi soona, Kristus fe basa Dula Dale na neu emi so. Boema metema Dula Dalek ndia bei nahele nai emi dalem dale soona, ta paluu hataholi nanoli emi so'on. Nana Dula Dalek ndia nanoli emi, la'eneu basa hata lala'ena; boema ta hapu masapepeko-masandandalik nai nanolin sila la dalek fa. Hu ndia de ela leo been-na, emi tunga Dula Dale ka nanolin sila la, ma ela leo been-na emi maso'da tataas esa mo Kristus.

KEJADIAN 26:2

Ana tao leondiak, nanahu Manetualain natu'du basa aoinan-na neun so, de nafa'da nae, “Boso muu leo Masir muu; leo mahele meme nusak ia, sama leo Au paleta basan neu so.

KELUARAN 4:15

Kokolak moon, fo mafa'dan hata fo muse ana kokolak-kana. Neukose Au tulu-fali ma Au anoli emi dua, hata fo emi muse kokolak ma tao-no'in.

YOSUA 3:4

tehu boso la'ok deka Peti ndia; tungan neme dea mai, nai dae dodoon-na kilo esa. No enok ndia, neukose emi bubuluk enok fo muse emi la'ok tungan, nana emi beita meu hai leo nusak ia meu fa.”

SEMUEL SUSULAK-KA ESAN-NA 9:6

Malalau-maoono ndia nataa nae, “Mahani dei! Te Manetualain atan esa nai kota ia. Hataholi-la fe ha'da-holomata ba'un-na seli neun, nanahu nafa'da beek soona, tete'ek-ka ana da'di. Mai fo ata teu leo naa teu, fo fafa'kama ana hapu nafa'da ita, keledei sila-la lai bee.?”

AMSAL 2:9

Au anang-ngonei, metema o tunga au soona, neukose o bubuluk hata fo ndoos ma matetuk-ka, tao tunga ka'da ndoon-na, ma hata fo malole. Neukose o boeo bubuluk, o muse maso'da tao leo beek.