MAZMUR 22:6 - Susula Malalaok Hehelu Palak Ma Hehelu Beuk

⁶ Laloo bou-bou neu O, de O fes laladeak; lamahena, de dalen-nala tesa-tama.

MAZMUR 22:6 Referans Kwoze

YESAYA 53:3

Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

AYUB 25:6

Muda hata no hataholi daebafak, fo kalatik dae ndia bai! Te'e-te'e belin ta, nai Manetualain mata memeten-na.”

YESAYA 49:7

Israel Manetualain malalao-malalafun, Manasoi-manatefan, nafa'da neu hataholi fo, nananakadadaek nanseli, ma leoinak-kala, ta lahiik-kana fa, boema ana da'di ata, neu manakoasa-la, nae, “Neukose mane-manek-kala, lita Au tatao-nono'ing; neukose, ala fo'a, fo ala fe ha'da-holomata neu Au. Neukose basa manakoasa-la lita boe, boema, ala sene-do'ok.” Dede'ak ndia ana da'di, nanahu Manetualain hele basa atan-na so; Israel Manetualain malalao-malalafun-na, lilineka neu hehelu balataan.

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

IBRANI 13:12

Hu ka nde ndia de, Yesus boeo mate nai kota lelesu ina na deak, soaneu tao balisi hataholi kamahehele nala neme sala-singo nala mai ninik daa na mesa kana.

MATEOS 11:19

Besak ia, Ana Hataholi ka, Ana mai de na'a ma ninu; boema hataholi la lafa'da lae, Mitak Hataholi ndia dei! Maa fula, mana mafuk, mana susu bea la nonoon, ma hataholi masala-masingo kala nonoon. Leomae leondiak boe, Manetualain manatee teno na, nananitak neme buna-boan mai.”

MAZMUR 31:11

Basa au so'dang-nga, nai doidosok-ka dalek, au teung-ngala sapu-lalo, nai hoo-nggu'uk-ka dalek. Au balakaing loe, nanahu au tatao-nono'i mangalaung-nga, lena-lenak au duing-ngala, ala po'o.

NINITAK 15:3

Boema lakamee Manetualain atan Musa ma Bi'ilopo Ana nakamee na. Lii na nae leo ia, “Lamatuak, Manetualain Mana Koasa, O tatao-nono'im ba'u na seli ma matabeuk! Manek neu basa leoina lala'ena. O tatao-nono'im nde maketu-mala'di tunga matetu na ma ndoos!

YOHANIS 7:15

Basa mana koasa Yahudi la dodoo doa kana, boema bekola lae, “Tao leo bee de, hataholi ia nalelak basa dede'ak sila la, te see ko na, Ana ta sakola nita fa?”

RATAPAN 3:30

Leomae nanafapak ma nananakadadaek, ela leo been-na, ata sipok basa sila-la.

YOHANIS 8:48

Boema hataholi Yahudi la lataa Yesus lae, “Ade tete'e ka ami ta mafa'da mae, O hataholi Samaria nitu sa'ek fa do?”

YOHANIS 7:20

Boema hataholi makadotok sila la lae, “O mamulu ia so! See sanga taonisa O?”

MATEOS 12:24

Lelek hataholi Farisi la lamanene dede'ak ndia boema lae, “Hataholi ia, hapu usiheni dula dale mangalauk ndia, nana Baalzebul, fo nitu mangalau kala malanga na, ana fe basan koasa ndia so.”

MAZMUR 88:8

O nasa-melum ne'e au no belak, de O nasa-melum tuni-na au, de au lutu-lutu.

MAZMUR 31:1

Soaneu mauli-malanga nakameek-ka. Dauk kokoa-kikiok.

2TAWARIKH 14:11

Boema Asa hule-haladoi neu Manetualain nae, “Amak, ka'da O nde hapu tulu-fali manatapandoes-sala neme mabe'i-balakaik-kala mai. Tulu-fali ami besak ia, ou ami Manetualain! Ami masalai ka'da neu O ma no O na'dem-ma, ami kalua matee-matati la'ban solda'du de'u-de'u basa ia-la. Amak, O nde ami Manetualaim-ma. Boso po'ilotak hataholi daebafak esa boen sengi O.”

MAZMUR 25:3

Hataholi fo nalelesi O-a, neukose nananakamumulu-nakamamaek, tehu hataholi fo namahele neu O-a, neukose dalen-na ta ba'ihana fa.

MAZMUR 41:5

Auafa'da ae, “Au asala-asingo basa neu O so, ou Manetualain, sue-lai au ma tao malea-mahai au.”