MAZMUR 2:12 - Susula Malalaok Hehelu Palak Ma Hehelu Beuk

¹² sene-do'ok nai matan-na, no dele ngge'be-ngge'be, boso nalosak Manetualain da'di namanasa fo emi nanatao namopo-namatek ka'da nai hatematak esa, nana nasa-melun, ana pila no kaiboik. Maua-manalek ba'eneu hataholi fo nasulu-nahapa neu Manetualain!

MAZMUR 2:12 Referans Kwoze

MAZMUR 40:4

Ana nanoli au, nakamee-nakamee beuk, nakamee kokoa-kikiok, soaneu ita Manetualain-na. Hataholi makadotok litan, de ala bii-lamata'u, boema lamahele neu Manetualain.

YOHANIS 5:23

Ama ka tao leondiak, fo ela basa hataholi la fe ha'da-holomata neu Ana ka, sama leo ala fe ha'da-holomata neu Ama ka. See ta fe ha'da-holomata neu Ana ka fa soona, ana ta fe ha'da-holomata neu Amak fo manamadenu Ana ka.

MAZMUR 84:12

Nana Manetualain nde ita masulu-mahapan, ma manek fo matua-madema, fo Ana ba'e-bati fe ita, susue-lalaik ma ha'da-holomata. Ana beita tipa nita hata beek boe, fo malole soaneu hataholi fo, so'dan-na bu'u-ba'en ta.

MAZMUR 34:8

Manetualain ata nusa so'dan-na, nanea hataholi fo kamahehelek-ka, ma Ana soi-po'is leme soe-a mai.

YEREMIA 17:7

Tehu hataholi fo manamamahena neu Au neukose Au ba'e-palan tatas esa.

YESAYA 30:18

Leomae leondiak boe, Manetualain nahani talu-talu no fain-na, soaneu natu'du susue-lalain neu emi. Ana naheheleaon, soaneu sue-lai emi. Nana, Manetualain nde been-na, Manetualain fo manatao hata fo, nandaa. Maua-manalek ba'eneu hataholi fo, namahena neun.

AMSAL 16:20

Taoafik neu hata fo, lanolin neu o, soona neukose o hapu hata fo, malole. Mamahele neu Manetualain, soona neukose o maua-manale.

1 PETRUS 2:6

Nanahu nai Susula Malalaok dale nanasulak nae leo ia, “Au hele basa batu kabelik esa so, de Au pe'dan nai Sion, da'dileo batu makasososak; fo see namahelen soona, dale na ta ba'ihana fa.”

EFESUS 1:12

Neme na fo, ita nde makasososa tamahena neu Kristu sa, koa-kio Manetualain, hu ka nde matua-madema na!

1RAJA-RAJA 19:18

Tehu neukose Au soi-tefa ala hataholi Israel lifun hitu, fo nde hataholi fo ala lilineka lahele neu Au, ma ala beita sene-do'ok lita Baal-la doki-dulan fa.”

ROMA 9:33

La'eneu batu ndia, nai Susula Malalaok dale nanaulak nae leoia, “Taoafik dede'a ka nde ia nae, Au pe'da batu esa nai Sion so fo neukose ana tao na hataholi a nakatunu; fo nde batu matuaina esa fo neukose ana tao na hataholi a tu'da. Tehu hataholi fo namahele neu na, neukose dale nala ta laba'e fa.”

MAZMUR 2:5

Boema nasapalas no nasak ma Ana tao nanggengek-kasa nenik nasa-melun

MAZMUR 1:6

Nana Manetualain hela-nole, ma nasulu-nahapa hataholi manatungak-ka, tehu hataholi mangalauk-ka, neu leo mamate-momopok-ka neu.

SEMUEL SUSULAK-KA ESAN-NA 10:1

Basa boema, Semuel ho'i-na kete mina setun-na, de ana po'a mina ndia neu Saul langan lain, ma ana de'in, boema nafa'da nae, “Manetualain ndo ei basa o da'di manek neu Ndia anan Israel so. Neukose o paleta anan-nala, ma masulu-mahapas leme musun-nala mai. Ta'du-tanan nde ia, nae Manetualain hele basa o da'di manek neu anan-nala:

HOSEA 13:2

Losa besak ia, hataholi Efraim sila-la, bei tao sala-singok lahele. Ala tao dodoki-dudula lilofulak, fo ala sene-do'ok neun – dodoki-dudulak fo tunga hataholi daebafak-ka malelan-na, ma dale tutu'un-na, ma nanalulumu-eesek neme hataholi daebafak-ka liman-na mai. Lafa'da lae, “Tunu-hotu tutunu-hohotuk fe dodoki-dudulak ia-la!” Manada'di beuk, metema hataholi daebafak-ka de'i sapi ana nanadoki-dulak-ka!

MAZMUR 2:7

Manek-ka nae, “Au sanga po'a-benga, hata fo Manetualain naketu basan so. Nafa'da au nae, ‘Au ana maneng O, de faik ia, Au da'di O Amam.

ROMA 10:11

Nai Susula Malalaok dale nanasulak nae, “Hataholi kamahehele ka dale na ta naba'e fa.”

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

KEJADIAN 41:40

Neukose au so'u o da'di filana, ma basa au laung lala'en-na neukose ala tunga o paleta ma. Ka'da au mesang-nga nde anuu koasa lena neme o mai.”

MAZMUR 31:20

O dale malolem-ma, ba'uk-ka nanseli, de O sadian ba'eneu hataholi kamahehelek-ka! Basa hataholi-la lita tatao-nono'i malole, fo O taon ba'eneu sila fo manamasulu-mahapa neu O-a.

MAZMUR 34:9

Mame'da aom, Manetualain dale malolen-na, ba'un-na seli, Maua-manalek ba'eneu hataholi fo, nasulu-nahapa neun.

MAZMUR 109:20

Manetualain, maketu hataholi manakalaak au-a, huhukun-na leona, ma hataholi manakokolak mangalauk la'eneu au-a.

ZEFANYA 2:2

beidai emi beita male-tale ma mamatuu-tongo sama leo bunga! Mameme'dak leona, beidai Manetualain, fai nasa-melun beita losa fa, fo Manetualain nasa-melun mana pila lo'a-lo'an ndia, la'e emi.