MAZMUR 16:5 - Susula Malalaok Hehelu Palak Ma Hehelu Beuk

⁵ Manetualain, au anuu-ka, nde ka'da O mesam-ma; O fe au basa hata lala'en fo, au paluuk-ka, au ua-naleng, nai O limam dale.

MAZMUR 16:5 Referans Kwoze

MAZMUR 73:26

Leomae au aopaa-samaneng male-tale, tehu O nde, au be'i-balakaing, ou Manetualain; O nde, basa hata lala'en, fo au anuun losa dodoon-na.

MAZMUR 142:5

Lelek au lipa leo boboak u, te au ta ita, manatulu-manafali ba'eneu au fa. Ta hapu manamasulu-mahapa ba'eneu au, do manataoafik neu au aoinang-nga fa.

RATAPAN 3:24

Manetualain nde been-na, au hata-hetong fo kisak. Hu ndia de, au amahena neun.

MAZMUR 23:5

O sadia feta ba'eneu au nai au musu-noong-nga matan, O sipok au da'di leo fui nanafe ha'da-holomata. O sadia fe au nininu mala'da hiik-ka sasi kao-kao.

MAZMUR 119:57

Ou Manetualain, fo au ahiik-ka, nde ka'da O, de au helu, neukose au akalala'ok O nanolim-ma.

ULANGAN 32:9

Tehu Yakob tititi-nonosin ia-la Manetualain heles da'di Ndia nuu Mesan.

MAZMUR 89:4

O mafa'da mae, “Au tao basa hehelu-balataak o hataholi fo Au helek-ka so; Au soo-supa basa neu Au atang Dauk ae:

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

YESAYA 53:12

Ana fe heni so'dan-na, no dale hihii-nanau mesan-na, de nanalekek nai hataholi mangalauk-kala, dede'un-na dalek. Ana nasaa, hataholi makadotok sala-singon, ma ana hule-haladoi, fo ela hataholi sila, hapu do'o do ampon. Boema Au fen hataholi makadotok, da'di leo bua palsen, ma ana hapu baba'ek sama-sama no hataholi ndoos-sala.”

MAZMUR 116:13

Neukose, au ini tutunu-hohotu angol, ba'eneu Manetualain, fo au oke makasi neu tutulu-fafalin.

MAZMUR 9:4

Au musung-nga lepos nasafali, de nalai neme O matam-ma mai; ala lakatunu, de ala tu'u leu, boema mates.

HATAHOLI 5:31

Boema Manetualain fen nangatutuu madema ma koasa matuaina da'dileo Mauli-Malangan ma Mana Soi-Tefa, fo ela hataholi Israe la hapu loak soaneu ala tukatei-saledale leme sala-singo nala mai, fo ala hapu do'o do ampon.

MAZMUR 132:11

Manetualain soo basa no Dauk: neukose, ta nafandele heni hehelun-na fa. Nafa'da nae, “Neukose, Au tao o anam esa da'di manek, fo ana paleta nggati o.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

1 KORINTUS 15:25

Kristus muse paleta nahele, losa Manetualain fe Kristus musu noon nala lakaluku-lakatele leun.

MAZMUR 125:3

Neukose hataholi mangalauk-ka, ana ta koasa nakandoo nai hataholi manatao tunga ndoon-na, dae pusakan-na fa, fo ela hataholi malole-a, ta tunga tao tatao-nono'i mangalauk fa.

MAZMUR 11:6

Ana huku hataholi mangalauk-ka, nenik susa-soe, nenik ha'i, nenik belerang ma anin fo, manatao naputuk-ka.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

YESAYA 42:1

Manetualain nafa'da nae, “Au atang fo, Au tia-to'ban-na, nde ia, Au hataholi heheleng fo nandaa no Au daleng-nga. Au fe basa Au koasang-nga neun so, soaneu neni ndoos ma matetuk-ka, ba'eneu leoinak-kala esa-esak.

HATAHOLI 2:32

Yesus ia, nde Manetualain tao naso'da fali kana neme mamate sa mai. Fo ami basa-basa mala ia, nde sakasii matam dede'ak ndia.

ULANGAN 18:2

Sila ta bole lanuu dae sama leo, leo fe'ek-kala fa, nana Manetualain nde da'di, sila baba'en-na, sama leo Manetualain helu basan neu sila so.

YOSUA 22:25

Mitak, Ana tao Lee Yarden ia neu ita tala'da, fo ela ana ba'e ami moo emi, fo Ruben ma Gad hataholin-nala. Te'e-te'e, emi ta manuu tututi-nanatok hata-hata moo Manetualain fa.’ Soona mahani te, neukose hata da'di? Tao leo bee-o, neukose emi tititi-nonosim, tao-la ami tititi-nonosim hahae makaluku-makatele neu Manetualain.

YOSUA 22:27

tehu soaneu da'di ta'du-tana ba'eneu ita hataholi ka duak-kala, ma ba'eneu ita tititi-nonosin nai fai makabuin, lafa'da lae tete'ek-ka, ami ia sene-do'ok neu Manetualain nai Lalaa Teman-na, nenik teni tutunu-hohotu nanatunuk, tunu-hotuk-kala, ma tutunu-hohotu tia-laik-ka. No enok ndia, neukose emi tititi-nonosim, ta lafa'da lae, ami tititi-nonosim ta lanuu tututi-nanatok hata-hata loo Manetualain fa.