Biblia Todo Logo
Bib sou entènèt

- Piblisite -




MAZMUR 16:3 - Susula Malalaok Hehelu Palak Ma Hehelu Beuk

3 Au fe ha'da-holomata neu hataholi malalao-malalafuk fo, manai nusak ia-la; au dale namahokong-nga nde, au leo nakabubua nos.

Gade chapit la Kopi




MAZMUR 16:3
20 Referans Kwoze  

Ita Manetualain ta nde Manetualain fo ta mana tao tunga ndo na fa. Ana ta nafandele heni hata fo emi tao-no'i ba'eneu na fa, ma susue-lalaik fo emi matu'du neun, nai lelek tulu-fali tolano-tolanook fo namahehelek esa, nai makahulu na ma besak ia.


Hataholi fo, ana leo-napalasa no hataholi manatee-tenok-ka, neukose ana da'di manatee-tenok; tehu hataholi fo, ana leo-napalasa no hataholi nggoak-ka, neukose ana hapu soe.


Hataholi malole-a, naua-nanale lena heni uma titia-tatain-na; hataholi mangalauk-ka natofa-natalak, nanahu tatao-nono'i mangalaun-na.


Fo'a besak ia leon, ou Manetualain! Ma sama-sama moo Peti Hehelu-balataak fo ana da'di dulak neme O koasa-ma mai ndia, ela leo been-na O masok leo O Uma ia dalek muu, fo leo nai ialosa dodoon-na. Ba'epala basa O imam-mala tatao-nono'in lala'en-na, ma ela leo been-na O anam lala'en-na laua-lanale nanahu O malole neu sila.


Boema Ananias nafa'dan nae, “Lamatuak, au amanene hataholi ba'u ka kokolak hataholi ndia, lenak-lenak tutuni-ndendenik neu O hataholi kamahehelem manai Yerusalem mala.


Manetualain Fo Manakoasa, nafa'da nae, “Neukose ala da'di Au anang-ngala. Nai faik fo Au aketu-ala'di, neukose ala da'di Au hata-heto susue-lalaing. Neukose Au sue-lais, sama leo amak manasue-lai anan fo manaleo non-na.


O na'dem-ma, ta nde ‘Fo Nanala'oelak so'on’, o nusam-ma, ta na'de ‘Fo Mananee-nee lino-linok so'on’. Neukose loke o lae, ‘Fo Manetualain sue-lain’, ma o nusam-ma, nanafoik na'de, ‘Fo Ka'bing basa so’, nana Manetualain dalen-na nandaa no o, Ndia sama leo, o nusam-ma, saotoun-na.


Au amahoko-setelee nai daebafak-ka poin-na, ma ame'da amahoko nai hataholi daebafak-ka tala'da.


Au tao tia-laik o basa hataholi kamahehelek-kala, ma basa hataholi fo, lakalala'ok O paletam-ma.


Manetualain nasasale dale nanseli, metema mate hataholi susue-lalain esa.


Au ahiik hataholi fo, ana lilineka neu Manetualain; hataholi sila, bole leo nai au umang. Hataholi fo aso'dan-na bu'u-ba'en ta, bole nalalau-naoono au.


O matapo'i au neme mamates-sa mai, ma O tao maso'da au neme hataholi manamatek-kala tala'da mai.


Dede'ak ia, memak tete'e ka la'en. Au nau o taoafik neu dede'ak ia la, fo ela hataholi fo lamahele neu Manetualai na, te'e-te'e ala sanga enok soaneu ala tao-no'i tatao-nono'i malole ma masosoa-ndandaak soaneu basa hataholi lala'ena.


Manetualain hataholi kamahehelen fo manai Efesus ala, fo mana lilinekak neu Kristu sala lemin!


Hu ndia de, metema bei hapu fai loak soaneu ita soona, ela leo bee na ata tao malole neu basa hataholi lala'ena, lena-lenak ba'eneu ita tolanoon fo, ita namahehelek esa.


Au touana susueng-nga nuun au, de nahiik au.


Hu kande au tolanoo ka'a-fa'ding, ma au tia-laing-ngala, de au afa'da ae, “Ela leo bee-na, o so'da-molek!”


Swiv nou:

Piblisite


Piblisite