MAZMUR 144:12 - Susula Malalaok Hehelu Palak Ma Hehelu Beuk

¹² Ela leo bee-na, ita anatoun-nala, nai lelek muli-solun-nala, sama leo bubu'u-palusa fo namatua. Ela leo bee-na, ita anainan-nala, sama leo dii bu'uk-kala, fo ala painote uma manek-ka dii bu'un-nala.

MAZMUR 144:12 Referans Kwoze

MAZMUR 128:3

O saoinam-ma, sama leo ai angol-la fo nalole nai umam dale O anam-mala sama leo, ai setun-na nupun-nala nai o meim-ma, boboa-kaisun.

AYUB 42:15

Ta hapu anafe'oanak mata makeek nai nusak-ka lala'en-na, sama leo Ayub anafe'o ka telu nala fa. Ala hapu baba'ek sama no sila tolanoo toun-nala, neme sila aman pusakan-na mai.

RATAPAN 4:2

Makahulun-na kota Sion-na ta'eana-anafe'oanan-nala sama leo lilopilas kabelik, tehu besak ia, ala taon sama leo uledae mesan.

ULANGAN 7:13

Neukose, Ana sue-lai ma Ana fe emi baba'e-papalak, nalosa emi anam makadotok, fo emi dede'um-mala, boe popo-tama lakandoo. Neukose, Ana fe baba'e-papalak neu emi tinam-mala, nalosa labuna-laboa gandum, angol ma mina setun. Neukose, Ana fe emi baba'e-papalak, nalosa emi sapim-mala, bi'ihiim-mala, ma bi'ilopom-mala lamade'u. Neukose, emi sipo baba'e-papalak sila-la, nai nusak fo Manetualain fen neu emi, nandaa no hala hehelun neu emi bei-ba'i kaim-mala.

ZAKHARIA 9:17

Mahani te, Manetualain, daen-na malole nanseli, malole ma mana'ahiik nanseli! Angol ma gandum-mala moli no malole nai ndia, fo ana tao-na ta'eanak anafe'oanak boetai balakaik.