MAZMUR 142:6 - Susula Malalaok Hehelu Palak Ma Hehelu Beuk

⁶ Au aloo bou-bou neu O, ou Manetualain, O nde, au mamana nasulu-nahapang, Au paluu ka'da O mesam-ma, nai maso'dang ia dalek.

MAZMUR 142:6 Referans Kwoze

MAZMUR 79:8

Boso huku ami, hu kande ami bei-ba'i kaim-mala sala-singon. Sue-lai ami no lai-laik, nana ketu ami namahehenam-ma so.

MAZMUR 116:6

Manetualain nakaboboi hataholi taidaek-ka; Lelek au manatulu-manafaling ta, Ana soi-tefa-nala au.

MAZMUR 136:23

Ana ta nafandele heni ita, nai lelek ita kala; susue-lalain manaketu-basa tak, losa dodoon-na.

MAZMUR 17:1

Dauk huhule-haladoin. Mamanene au hala naloloong fo, dokodoe ndoos ma matetuk-ka, taoafik neu au huhule-haladoing fo neme au dale ndoong-nga mai, ou Manetualain.

ROMA 8:37

Ta! Nakalenak nai basa dede'ak sila la dalek, ita hapu sesengi matetu-mandaa ka neme Ndia fo manasue-lai ita!

ROMA 8:33

Manetualain hele basa ita da'di Ndia salanin so, de nafa'da nae, ita salan ta, na see kande napalani kalaak ita bai?

MAZMUR 143:7

Ou Manetualain, mataa au no lai-laik leona, nana ketu au namahehenang-na so. Boso mafuni meme au mai, fo ela, au boso sama leo hataholi fo, ana kona leo daebafak mamates-sa neu.

MAZMUR 59:3

Soi-po'i au neme hataholi fo manatao tatao-nono'i mangalauk-ka mai, fe au ala deak neme hataholi kanisak-kala mai.

MAZMUR 38:19

Au manaku au sala-singong; au daleng-nga ta tesa-tama no dudu'a-dodoo au salang-nga.

MAZMUR 18:17

Manetualain look liman-na neme lain mai de Ana ho'u-na au, de Ana hela-na au neme oe mademaina dale mai.

MAZMUR 3:1

Dauk kokoa-kikion-na, nai lelek nalai neme anan Absalom mai.

SEMUEL SUSULAK-KA ESAN-NA 24:14

Ama Manek nalelak dede'a bini makahulun eli esa, nde ia nae, ‘Ka'da hataholi mangalauk-ka nde, tao tatao-nono'i mangalauk-ka.’ Hu ndia de, neukose atam-ma ta tao nahe'di Ama Manek fa.

MAZMUR 143:3

Au musung-nga, ana usi au, de ana sengi au so, boema, ana tao au leo bui makahatuk dale neu; au da'di sama leo, hataholi manamate dooinak so.

MAZMUR 27:13

Au amahele, neukose au la'ola'di Manetualain dale malolen-na, nai au maso'dang-nga dalek, nai daebafak ia.

MAZMUR 46:2

Manetualain nde been-na, ita manamasulu-mahapan, ma ita be'i-balakain. Naheheleaon tataas esa, ma Ana tulu-fali nabe'i ita, nai to'a-taak-ka dalek.

MAZMUR 91:2

bole nafa'da neu Manetualain nae, “O nde au manamasala'eng, ma manamasulu-mahapang-nga, au Manetualaing, fo au amahele neu ka'da O.”