MAZMUR 139:24 - Susula Malalaok Hehelu Palak Ma Hehelu Beuk

²⁴ Mete te, fafa'kama hapu mangalauk nai au so'dang-nga dalek, fo hela-nole au leo enok manaketu-basa taak-ka neu.

MAZMUR 139:24 Referans Kwoze

MAZMUR 143:10

Manoli au, fo au akalala'ok O hihii-nanaum, nana au Manetualaing-nga nde O. O dale malole, de neukose, O hela-nole au, leo eno matetuk-ka neu.

MAZMUR 5:8

Tehu, hu kande O susue-lalai matuainam-ma, au bole masok leo O Umam dale u. Au sene-do'ok asale leo O Uma malalao-malalafum-ma neu, ma au sene-do'ok O no manatee-tenok.

MAZMUR 119:32

No namahokok, neukose au tunga O paletam-ma, nana O tao-ma au, boetai alelak.

MAZMUR 16:11

O matu'du au, enok manaleo maso'dak-ka neu; nai O dalek, au hapu namahoko-seteleek fo, manasasi kao-kaok-ka, ma ua-nalek-ka losa dodoon-na.

MAZMUR 143:8

Tunga-tunga fafain-na, fe au nasanene'dak la'eneu O susue-lalaim, nana, au amahena neu ka'da O mesam-ma. Matu'du au enok fo, au muse tungan, nana, au hule-haladoi neu ka'da O mesam-ma.

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

AMSAL 28:26

See dalen-na namatua neu hahapu mesan-na soona, ta nanuu dudu'a-aafi neulauk fa. See tunga hataholi manatee-tenok-ka, nanolin-na soona, neukose naso'da.

MATEOS 7:14

Mafandendelek te, lelesu fo menini hataholi a leo nusa so'da ka neu a, makabi'a anak ma toto'a-sosotan ba'u na seli. Hu ndia de, ka'da hataholi lumanak nde tunga enok ndia.”

KOLOSE 2:6

Emi sipok Kristus Yesus da'dileo Lamatuak so. Hu ndia de, ela leo bee na emi da'di esa moon,

MAZMUR 17:3

Meteme O fola au daleng-nga ma O mai palisak besa-besa mo au nai fai le'odaen-na soona, neukose O hapum-ma, au daleng-nga ndoos ma matetuk; au hala-kokolang sama leo au dudu'a-aafing.

MAZMUR 119:1

Maua-manalek ba'eneu hataholi fo, so'dan-na bu'u-ba'en ta, ma ana tunga Manetualain hoholo-lalanen-nala.

AMSAL 15:9

Manetualain ta hii hataholi malelesik-ka so'dan-na eno-dalan fa, tehu Ana sue-lai hataholi manasanga enok, fo tao-no'i hihii-nanaun-na.

MAZMUR 27:11

Matu'du au, O hihii-nanaum, ou Manetualain, hela-nole au, leo eno ndoos-sa neu, nana au musung-ngala makadotok nanseli.