MAZMUR 138:2 - Susula Malalaok Hehelu Palak Ma Hehelu Beuk

² Au senek asale leo, O Uma malalao-malalafum-ma neu, boema au koa-kio O na'dem-ma, nana O lilineka, ma sue-lai tataas esa. O paluu O hehelum-ma, lena neme hataholi hahapun-na, la'eneu O aoinam-ma.

MAZMUR 138:2 Referans Kwoze

MATEOS 5:18

Mafandendelek leona te! Losa lalai no daebafa ka beita mopo fas soona, dede'ak sila la de'ek esa, do titianak esa boeo, ta mopo fas, makanaema basa-basas lala'ena beita da'di fa!

YESAYA 42:21

Manetualain nau soi-tefa; Ana hii fe ha'da-holomata, ma mamatutua-mamadedema hoholo-lalanen.

MAZMUR 56:10

Nai faik fo, au aloo bou-bou neu O, neukose musu-a nakadedeak, nana au bubuluk, Manetualain nook au.

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”

MAZMUR 5:7

O tao mamopo-mamate hataholi fo ana hii nasapepeko-nasandandali, manatipu-daik ma kanisak-ka, O makadadaek-kasa.

MAZMUR 28:2

Mamanene au dokodoeng-nga, metema au nggasi, fo au oke tutulu-fafalik, ma au so'uk au limang-nga, fo natu'du leo O Uma malalao-malalafum-ma neu.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

MAZMUR 56:4

Lelek au bii-amata'u-a, au amahena neu O.

MAZMUR 115:1

Ami ta, ou Manetualain, ami ta, tehu ka'da O nde, muse nanakoa-nanakiok, nana O lilineka, ma sue-lai mahele.

DANIAL 6:10

Boema Mane Darius-sa limalee susulak ndia.

YESAYA 63:7

Au sanga tui-benga, Manetualain susue-lalain ma koa-kion, nanahu basa tatao-nono'in lala'en-na. Ana fe anan-nala, baba'e-papala manasasi kao-kaok-ka, nanahu nanuu dale susue-lalaik, ma dalek-kasian-na ta basa fan.

MAZMUR 99:9

So'uk mamadema ita Aman Manetualain, ma sene-do'ok-kana, nai pupukun fo malalao-malalafuk-ka, nana ita Aman Manetualain, malalao-malalafuk.

MAZMUR 99:5

So'uk mamadema ita Aman Manetualain sene-do'ok nai kandela manen-na matan-na. Ndia malalao-malalafuk!

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 85:10

Tete'ek-ka, naheheleaon soaneu soi-tefa hataholi fo, ana bii-namata'u neun, Manetualain fo matua-mademaina, neukose Ana leo nai ita nusan-na.

YOHANIS 10:35

Ita bubuluk basa, hata fo nanasulak nai Susula Malalao ka dalek, ana da'di losa dodoo na. Hu ndia de, metema Manetualain foi basa hataholi ta manasipok dede'a-kokola na, na'de ‘lamatua daebafak’,

1RAJA-RAJA 8:15

Ana nafa'da nae, “Makahulun-na Manetualain naheluk basa no au amang Dauk nae leo ia: ‘Lelek Au oo Au anang-ngala kalua leme Masir mai, nai basa nusa Israel-la lala'en-na, ta hapu kota esa boen fo Au helen da'di mamanak, fo nai bee muse nafofo'a uma soaneu mamana hule-haladoik neu Au. Tehu o, Dauk, Au helen soaneu paleta Au anang-ngala.’ Kokoa-kikiok ba'eneu Israel Manetualain fo Ana tao natetu hehelu-balataan ndia so!”

1RAJA-RAJA 8:20

Besak ia Manetualain tao natetu hehelu-balataan so. Au da'di mane Israel nggati au amang so, ma au afofo'a basa uma soaneu mamana hule-haladoik neu Israel Aman, Manetualain so.

1RAJA-RAJA 8:24

O tao matetu O hehelu-balataam neu au amang Dauk so. Hata fo O heluk ndia, faik ia O makalala'o kana so.

MAZMUR 5:8

Tehu, hu kande O susue-lalai matuainam-ma, au bole masok leo O Umam dale u. Au sene-do'ok asale leo O Uma malalao-malalafum-ma neu, ma au sene-do'ok O no manatee-tenok.