MAZMUR 136:2 - Susula Malalaok Hehelu Palak Ma Hehelu Beuk

² Moke makasi neu Manetualain Fo Mademaina; susue-lalain manaketu-basa tak, losa dodoon-na.

MAZMUR 136:2 Referans Kwoze

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

MAZMUR 97:9

Nana O, ou Manetualain, fo manakoasa daebafak-ka lala'ena; O matua-madema, lena heni basa lamatua daebafak lala'ena.

DANIAL 2:47

Manek-ka nafa'da nae, “Tete'ek-ka Danial, o Manetualaim ndia matuaina nanseli nai basa Manetualain lala'en-na. Ndia nde been-na, manakoasa neu basa manek lala'en-na, ma manasoi heni basa bibila-babaak lala'en-na. Au bubuluk dede'ak ndia, nana o mafa'da-malak bibila-babaak ndia sosoa-ndandaan.”

2TAWARIKH 2:5

Au ahiik fo ela Manetualain Uman fo neukose au afofo'an ndia, nalupa uma nanakoa-nanakiok, nana ami Amam Manetualaim nanakoa-nanakiok lena neme su'di lamatua daebafak bee mai boe.

YOSUA 22:22

“Fo Manakoasa nde Manetualain! Fo Manakoasa nde Manetualain! Ana bubuluk, tao le'e de, ami tao dede'ak ia, ma ami nau, fo ela emi boeo bubuluk-kana! Leounik-ka, ami tao dede'ak ndia, no dudu'ak la'ban Manetualain do hu kande, ami ta mamahele seluk-kana fa soona, nemen-na fo ami mate besak ia boe!

KELUARAN 18:11

Besak ia, au bubuluk ae Manetualain, ba'ulena basa lamatuak lala'en-na, nanahu Ana tao basa sila-la, nai lelek hataholi Masir-ra no koao-ndaeaok nanseli, ala tuni-ndeni hataholi Israel-la.”

MAZMUR 97:7

Basa hataholi fo, manasene-do'ok neu sosongo-tatangok-ka, neukose nananakamumulu-nakamamaek, ma hataholi fo, dalen-na namatua neu bua-lo'as fo sosoa-ndandaan tak-kala; basa lamatua daebafak-kala, neukose ala sene-do'ok nai Manetualain matan.

MAZMUR 82:1

Asaf Kokoa-kikion. Manetualain nauli-nalanga nakabua malalao-malalafuk-ka, nai nusa so'dak-ka, boema Ana fe naketu-nala'din nae: