MAZMUR 133:1 - Susula Malalaok Hehelu Palak Ma Hehelu Beuk

¹ Dauk nakamee dodonge-dadaman. Tete'ek-ka, malole ma namahokok nanseli, metema Manetualain anan-nala laso'da no mole-dame!

MAZMUR 133:1 Referans Kwoze

1 PETRUS 3:8

Dede'a keke'u na nae: ela leo bee na emi teik esa-dalek esa ma dudu'a-aafik esa. Ela leo bee na emi masue-malai ao, sama leo tolanoo ka, boema esa tao malole neu esa, ma esa nakaloe-nakadae ao na neu esa.

1 KORINTUS 1:10

Tolano-tolanoo ngala lemin! No ita Lamatuan Yesus Kristus na'de na, au oke fo ela emi basa-basa mala teikesa dalekesa; fo ela nasi'da-naba'e ka, boso da'di nai emi dalek. Ela leo bee na emi da'di esa, teikesa dalekesa, ma dudu'a-aafik esa.

YOHANIS 13:35

Makanaema emi masue-malai ao soona, neukose basa hataholi la bubuluk lae, Au ana manatungang emi.”

IBRANI 13:1

Ela leo bee na emi masue-malai ao mahele, da'dileo tolano-tolanook fo namahehelek esa.

YOHANIS 17:21

Au dokodoe neu Ama ka, fo ela basa-basas ala da'di esa, sama leo Ama ka da'di esa no Au, ma Au da'di esa o Ama ka. Ela leo bee na, sila da'di esa lo Ita, fo ela daebafa ka lamahele, Ama ka nde nadenu Au.

YEREMIA 32:39

Neukose Au fe sila dudu'ak ka'da esa fo nde, fe ha'da-holomata neu Au neme dodoon losa dodoon-na; dede'ak ndia neukose neni malole ba'eneu sila aopaan-na, ma ba'eneu sila tititi-nonosin.

KEJADIAN 13:8

Abram nafa'da Lot nae, “Ita ia, tolanook, de ta malole, metema o hataholim-mala, ma au hataholing-ngala, esa nale'a no esa.

KEJADIAN 45:24

Basa boema, neu nafuli tolanoon-nala, de nafa'das nae, “Boso male'a nai enok.”

YESAYA 11:6

Neukose, busa fuik-ka, leo nakabubua no bi'ilopo-a, meoasu ana nai bi'ihiik-ka boboan-na. Neukose sapi ana, na'a na'u sama-sama no singa ana, ma ni'iana-la foos.

MAZMUR 131:1

Dauk nakamee dodonge-dadaman. Manetualain, au ta amatutua-amadedema au aoinang-nga, ma ta koao-ndaeao fa. Au ta usi dede'a matuaina-la fa, do hata fo, tean-na seli ba'eneu au.

YESAYA 11:13

Nusa Israel-la, ta nape'da dalek seluk no Yehuda, ma Yehuda ta musu seluk no Israel so'on.

MAZMUR 122:1

Dauk nakamee dodonge-dadaman. Au amahoko-setelee, nai lelek hataholi-la lafa'da au lae, “Mai fo, ata teu leo Manetualain Uman-na teu!”

YESAYA 11:9

Ta hapu hata mangalauk ma nalutuk nai Sion, fo Manetualain Pupuku Malalao-malalafun-na fa. Neukose nusak-ka, henuk no malelak la'eneu Manetualain, sama leo oe henu tasi-a.

MAZMUR 124:1

Dauk nakamee dodonge-dadaman. Tao leo beek fo, leouni'ka Manetualain ta nok ita fa? Hai Israel, mataa mae leo ia:

MARKUS 3:25

Ma makanaema nai uma lo esa dalek ta hapu teikesa-dalekesa fo esa musu no esa soona, neukose uma isi ndia nakalulutuk.