MAZMUR 131:2 - Susula Malalaok Hehelu Palak Ma Hehelu Beuk

² Tete'ek-ka, au daleng-nga nee-nee ma lino-linok; sama leo ni'iana bongi beuana, besak-ka ana su'u basa, de nangape'uk no nee-nee lino-linok nai inan ifan lain, fo nee-nee lino-linok ndia, nde au daleng-nga.

MAZMUR 131:2 Referans Kwoze

1 KORINTUS 14:20

Tolano-tolanoo ngala lemin! Boso dudu'a-dodoo sama leo ni'iana. Nai dede'a mangalau ka dalek soona, ela leo bee na emi mahele sama leo ni'iana. Tehu nai dudu'a-aafi ka dalek soona, ela leo bee na emi da'di hataholi fo touinak so.

MARKUS 10:15

Mafandendelek dede'a ka nde ia! See ta neu nataa Manetualain sama na leo ni'iana esa fa soona, neukose ana ta da'di lima eik neme Manetualain hataholi kamahehele nala fa.”

LUKAS 21:19

Metema emi makatatakak ma ta haelai mamanasa fa soona, neukose emi maso'da.”

MAZMUR 43:5

Tao le'e de, au daleng-nga he'dis-sa, ma ta tesa-tama fa? Au amahena neu Manetualain, boema neukose au oke makasi seluk neun, neu au Manetualaing-nga ma au manasoi-manatefang-nga.

MAZMUR 42:11

Au daleng-nga nakalulutuk, nanahu musu-a hakinonolin-na. Ala latane lakandoo lae, “O Manetualaim-ma, nai bee?”

YESAYA 30:15

Manetualain Fo Mademaina, Israel Manetualain malalao-malalafun-na, nafa'da anan-nala nae, “Tukatei-saledale, ma pe'daom mahele leona, soona neukose Au soi-tefa-ala emi. Mamahele neu Au no dale mananee-nee lino-linok, soona neukose Au atetea-ahehele emi.” Tehu emi ta nau fa!

RATAPAN 3:26

Da'di, malole lenak ata tahani no nee-nee lino-linok losa Manetualain Ana mai fo fe tutulu-fafalik;

MAZMUR 62:1

Soaneu mauli-malanga nakameek-ka. Tunga Yedutun. Dauk kokoa-kikion.

MAZMUR 42:5

Au daleng-nga he'dis-sa, metema au afandele fai makahulun-na, lelek au u leo Manetualain Uman sama-sama o hataholi makadotok, fo tao fai malole. Au la'ok nai hataholi fo langanongo-a uluk no eeki-natadalek ma nakamee kokoa-kikiok.

SEMUEL SUSULAK-KA ESAN-NA 30:6

Dauk solda'dun-nala, susa lanseli, nanahu mopo sila sao-anan-nala. Hu ndia de, ala sanga tapa Dauk nenik batu. Da'di, Dauk nai toto'a-sosota matua dale, tehu Manetualain fo ndia Manetualain-na, natetea-nahehele seluk dalen-na.

SEMUEL SUSULAK-KA ESAN-NA 24:10

Saul lipa leo dea neu te, Dauk senek no ha'da-holomata, boema nafa'da nae: “Tao le'e de, Ama Manek mamanene hataholi-la kokolak lae, atam-ma sanga tao soe Ama Manek?