MAZMUR 13:5 - Susula Malalaok Hehelu Palak Ma Hehelu Beuk

⁵ Boso po'ilotak au musung-nga, nafa'da nae sila sengi au so. Boso po'ilotak ala eeki-latadale au.

MAZMUR 13:5 Referans Kwoze

YUDAS 1:21

ma maso'da nai Manetualain susue-lalain dalek tataas esa, bei dai emi bei mahani ita Lamatuan Yesus Kristus susue-lalain, fo neukose ana fe emi so'da matetu ka, ma mana ketu basa ta ka.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

HABAKUK 3:18

tehu neukose, au amahoko tataas esa nana au manasoi-manatefang nde O fo Manetualain.

MAZMUR 52:8

Hataholi manatao malole-a, nita ndia soona, neukose ana bii-namata'u, boema ana hika-hume o ma nafa'da nae,

MAZMUR 9:14

Mitak, musu-a tao-na au doi-doso; sue-lai au, ou Manetualain matapo'i au neme mamates-sa mai,

MAZMUR 119:81

Au daleng-nga nahiik nanseli, neu so'da-molek fo manamaik neme O mai; au amahena O hehelum-ma.

MAZMUR 36:7

O dale malolem-ma, namadema dema letek-ka ma O ndoo-matetum-ma dema tasi maloaina; Ou Manetualain, O makaboboi hataholi daebafak-ka, ma bana-manu.

MAZMUR 33:18

Manetualain nanea, hataholi kamahehelek-kala, fo lamahena neu susue-lalain-na.

MAZMUR 32:10

Hataholi masala-masingok-ka, susa-soe makadotok, tuni-ndeni la'en; tehu hataholi fo, namahena neu Manetualain-na, Manetualain susue-lalain nasulu-nahapa nahelen.

LUKAS 1:47

ma au samane nga namahoko-setelee nana Manetualain au Manasoi-Manatefa nga.

MAZMUR 147:11

Manetualain namahoko neu hataholi kamahehelek-ka, neu hataholi fo, namahena nalele neu susue-lalain.

MAZMUR 51:12

Makadada'dik dalek fo, neuisik ba'eneu au, ou Manetualain, tao mabebeu au daleng-nga nenik manggatek fo matea-mahelek.

SEMUEL SUSULAK-KA ESAN-NA 2:1

Boema Hana hule-haladoi nae, “Manetualain tao-na au daleng-nga namahoko; tatao-nono'in tao tesa-tama au daleng-nga. Au ame'da au aua-anale, de au hakinonoli au musung-ngala, nana te'e-te'e, Manetualain tulu-fali basa au so.

LUKAS 2:20

Basa boema manafoo sila la ala fali leo mo ka leu, boema ala koa-kio ma lamatutua-lamadedema Manetualain, nanahu basa hata fo lamanenen ma lita basan ndia, nandaa no hata fo ata nusa so'da kala lafa'da ka.

MAZMUR 25:2

ou au Manetualaing, au amahele neu O! Boso po'ilotak au nananakamumulu-nakamamaek, ma au musung-ngala eeki-latadale au.

MAZMUR 38:17

Boso po'ilotak au musung-nga namahoko nita au susang-nga, boso po'ilotak ala kokolak bafalouk metema lita au kosik.