MAZMUR 121:3 - Susula Malalaok Hehelu Palak Ma Hehelu Beuk

³ Neukose, Ana ta po'ilotak au tu'u u fa, nana, au manamasulu-mahapang, nanea au tataas esa.

MAZMUR 121:3 Referans Kwoze

AMSAL 3:26

Neukose Manetualain nanea o. Neukose Ana ta po'ilotak o tu'da leo hihi'ik dale muu fa.

AMSAL 3:23

Neukose o la'ok no nee-nee lino-linok, ma neukose o ta makatunu fa.

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.

YESAYA 27:3

Au, fo Manetualain nde manamanean-na; tunga faik, Au tee-tee-totolin, Au anean lele'do le'odaen, fo ela boso hapu hataholi neu adu-dodokin.

MAZMUR 91:12

Neukose ala so'u-la o, nai lima dalen-nala dalek, fo ela o eim-ma boso nakatunu la'e batu.

MAZMUR 127:1

Salomo nakameen-na. Metema, Manetualain ta nde, nafofo'a uma fa soona, basa tuka-la tatao-nono'in manada'di tak. Metema, Manetualain ta nde, nasulu-nahapa kota fa soona, basa manamanea-la nanean-na, manada'di tak.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

MAZMUR 66:9

Ana nanea basa ami so, fo ela ami maso'da mahele, ma Ana ta po'ilotak ami tu'u meu fa.

AMSAL 2:8

Manetualain nanea hataholi manatao tunga ndoon-na, ma nasulu-nahapa sila fo manasue-lain-nana.

MAZMUR 41:2

Mua-manalek ba'eneu hataholi fo ana taoafik neu hataholi tapandoes-sa; neukose Manetualain tulu-falin nai fai toto'a-taan-na dalek.

MAZMUR 55:23

Fe o dale manaba'ihanam-ma neu Manetualain, soona neukose Ana tia-to'ba o; nana hataholi dale ndoos-sa, Ana ta po'ilotak-kana kala fa.