MAZMUR 12:7 - Susula Malalaok Hehelu Palak Ma Hehelu Beuk

⁷ Manetualain hehelu-balataan, matea-mahelek, ma hapu nananamahelek, sama leo lilofula isik-ka, nanafolak nai ha'i dale.

MAZMUR 12:7 Referans Kwoze

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

MAZMUR 145:20

Nasulu-nahapa basa hataholi manasue-lain-nana, tehu Ana tao namopo-namate, hataholi manatao tatao-nono'i mangalauk-ka.

MAZMUR 121:8

Ana nanea o, nai lelek o mai, ma o la'o, neme besak ia, losa dodoon-na.

MAZMUR 37:40

Ana tulu-fali, ma Ana soi-tefas, ma Ana fes lala hataholi mangalauk-kala deak, nana, ala lasulu-lahapa leu Manetualain.

MATEOS 3:7

Hataholi Farisi la ma hataholi Saduki la boeo makadotoknan mai fo loke Yohanis salanis. Tehu Yohanis mete nitas ala mai boema nafa'das nae, “Hei, hataholi mangalau kala lemin! See ka nde nafa'da emi nae, emi ta hapu malai meme Manetualain huhuku mana mai na fa?

YESAYA 27:3

Au, fo Manetualain nde manamanean-na; tunga faik, Au tee-tee-totolin, Au anean lele'do le'odaen, fo ela boso hapu hataholi neu adu-dodokin.

MAZMUR 37:28

Nana Manetualain sue-lai tatao-nono'ik fo malole, ma ndoos ma matetuk-ka, hataholi fo, ana lilineka neun-na, Ana ta po'ilotak-kana doi-doso fa. Ana nasulu-nahapas losa dodoon-na, tehu hataholi mangalauk-ka tititi-nonosin, neukose nanatao namopo-namatek.

MAZMUR 16:1

Dauk kokoa-kikiok. Ou Manetualain, manea au leona, nana au asulu-ahapa neu O.

MAZMUR 10:18

O masala'e anamaak-kala, ma hataholi nanatuni-ndenik-kala, dede'an-na, fo ela hataholi boso nakabibiik-kasa bai.

ULANGAN 33:3

Tete'ek-ka, Manetualain sue-lai leoinan. Nasulu-nahapa basa Ndia hataholin-nala. Mai fo, ata sene-do'ok neu ein-na, matan-na, ma ata tunga paletan-nala.

YUDAS 1:1

Tolano-tolanook fo, Manetualain nalo basak, ma sue-lai ma naneas soaneu Yesus Kristus. Da'dileo Yesus Kristu satan, au – Yudas – fo Yakobis tolanoo na,

MAZMUR 18:31

Manetualain tatao-nono'in, matetu-mandaak Manetualain hehelun-na, hapu nananamahelek. Ana sama leo babaa fanak ba'eneu basa hataholi fo lasulu-lahapa neun-na.

MAZMUR 19:9

Manetualain nakaneneten ndia, nandaa tao namahoko hataholi-a dalen-na. Manetualain nakeketun ndia, neuisik, ana tao-na hataholi-a nalelak.

MAZMUR 119:140

O hehelum-ma, matea-mahelek, ma hapu nananamahelek, au sue-lain ba'un-na seli.