MAZMUR 119:91 - Susula Malalaok Hehelu Palak Ma Hehelu Beuk

⁹¹ Besak ia, basa hataholi manai ia-la, lai ia nanahu O paletam-ma, nana sila basa-basas nde bee-na, O atam-mala.

MAZMUR 119:91 Referans Kwoze

YESAYA 48:13

Au limang-nga nde pe'da daebafak-ka buin-na ma nakapepela lalai-a. Metema, Au aloo na'den-na soona, ala mai no lai-laik.

MATEOS 8:9

Nanahu au boeo muse akatele neu au malanga na paleta na. Boema nai au dae boeo, bei hapu solda'du ana kala, fo sila muse lakatele neu au paleta nga boe. Metema au adenu solda'du esa ae, ‘La'o!’ soona, ana la'o. Boema au afa'da seluk esa ae, ‘Mai ia!’ soona, ana mai; boema metema au paleta au ata nga ae, ‘Tao ia leon!’ soona ana taon.”

YEREMIA 33:25

Tehu neme Au-a mai fo Manetualain, tao basa heheluk neu lele'dok-ka ma le'dodaek-ka, ma tao basa hoholo-lalanek fo mana ito-ato lalai-a ma daebafak-ka,

KEJADIAN 8:22

Metema daebafak ia, beita mopo fan soona, neukose hapu tataas esa, no fai sele-nggalik ma fai ketu-koluk, fai makasufuk, ma fai mato'bik, fai hanas ma fai oefaak, lele'dok ma le'odaek.”

MATEOS 5:45

fo ela emi Amam manai nusa so'da ka, Ana tao emi da'di Ndia anan. Nanahu Manetualain sue-lai hataholi malole a ma hataholi mangalau ka boe. Ana fe hataholi mana tao ndo sa ma hataholi mana tao mangalau ka u'dan no'u-no'u.

HAKIM-HAKIM 5:20

Nduuk-kala boeo, ala puselaipana tunga la'ban Sisera neme sila enon-na nai lalai.

ULANGAN 4:19

Boso tao sala-singok, nanahu sene-do'ok ma mamahele neu hata fo emi mitan nai lalai, sama leo: le'do-a, bulak-ka, ma nduuk-kala. Emi Manetualaim-ma po'ilotak leoina fe'ek-kala sene-do'ok neu basa sila-la.

YESAYA 40:26

Manganalo leo lalai mu, fo taoafik leona! See kande, nakadada'dik nduuk-kala? Ndia nde ito-atos sama leo solda'du-la. Ana bubuluk, basa-basas dede'un-nala, ma naloo esa-esak, nenik na'den-na. Ta mopo esa boen, nanahu Manetualain koasan-na, ba'un-na seli!