MAZMUR 119:9 - Susula Malalaok Hehelu Palak Ma Hehelu Beuk

⁹ Hataholi muli-soluk-ka, nanea so'dan-na, fo bu'u-ba'en ta, metema naso'da tunga O paletam-ma.

MAZMUR 119:9 Referans Kwoze

2 TIMOTIUS 2:22

Madook ao ina ma neme, hihii-nanau muli-solu kala mai. Sanga enok fo maso'da tunga Manetualain hihii-nanaun, lilineka mahele neu Manetualain nanoli nala, sue-lai nonoo hataholi ka, boema manuu dale mole-dame. Maso'da tao leondiak, sama-sama moo hataholi fo laloo loke tutulu-fafalik neme Lamatua ka mai, no dale matetu-mandaak.

YOSUA 1:7

Ka'da ela leo been-na, te'e-te'e o mamahele ma mapalani. O muse manea, fo ela o tunga la'iesak hoholo-lalanek, fo Musa Au atang ndia, ana fen neu o, o boso mafandele heni faa anak boen, soona neukose o hapu buna-boan.

MAZMUR 25:7

Fe do'o do ampon neu sala-singok ma salak fo au taon nai tepo-lelek au muli-solung-nga, mafandendelek au, nandaa no O susue-lalaim ma O dale malolem-ma.

MAZMUR 119:11

Au pe'da O nanolim-ma, nai au daleng dale, fo ela au boso asala-asingo neu O.

AMSAL 1:10

Anang-ngonei, metema hataholi fufu'di-oo'dok o soona, boso tunga sila fufu'di-oo'don ndia.

MAZMUR 34:11

Singa-la boeo lamala'a, nanahu nana'ak-ka ta dai fa; tehu hataholi fo, manasene-do'ok neu Manetualain-na, ana ta to'a-taa fa.

YOHANIS 15:3

Emi balisi, nanahu nanolik fo Au anolin neu emi a.

PENGKHOTBAH 11:9

Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

AMSAL 4:1

Hai, anang-ngala lemin, mamanene emi amam nanoli-nafa'dan. Taoafik neu basa sila-la, soona neukose o da'di hataholi manatee-tenok.

AMSAL 1:4

Nanoli hataholi dudu'a-aafi taak-ka, nalosa nanuu dudu'a-aafi matane, ma nanoli hataholi muli-soluk-ka, fo ana da'di hataholi malelak, ma ana bisa dudu'a-dodoo sama leo hataholi touinak-ka.

AMSAL 7:7

Boema au ita touanak ba'uk-ka fo bei muli soluk-kala; tehu au mete hehelu ka'da hataholi esa fo nggoan-na seli nai sila tala'da.

AYUB 1:5

Metema basa feta esa soona, Ayub fo'a fafaianak tatas esa, fo ana tunu-hotu tutunu-hohotuk soaneu anan-nala esa-esak, fo ela Manetualain fes do'o do ampon. Nana Ayub dodoo nae, bole da'di anan sila-la tao basa sala-singok, ma ta lame'da fa te, lakamumulu-lakamamaek Manetualain so.

LUKAS 15:13

Basa faik de'ubee boema, ni'iana mulianak ndia nase'oheni ndia hata baba'e na de neu leo nusa dook neu. Nai naa, ana didilo-dodolo tali doi na ninik so'da lena-lena ka.

2TAWARIKH 6:16

O boeo helu basa neu au amang mae te'e-te'e tititi-nonosin tunga Au hoholo-lalaneng sama leo ndia, soona hataholi esa neme tititi-nonosin mai, neukose ana paleta da'di manek nai Israel losa dodoon-na. Besak ia, ou Amak fo Israel Manetualain-na, tao matetu basa hata fo O helun neu au amang Dauk fo O atam ndia boe.

AYUB 13:26

O maketu basa ua-nale makahe'duk-ka ba'eneu au; O fe babalak neu au sala-singon nai au fai muli-solung-nga

ULANGAN 17:18

Metema, dooei basa hataholi esa da'di manek soona, ana muse fen susulak esa, isin-na Manetualain hoholo-lalanen, fo hoholo-lalanek sila-la nanasalin neme imam Lewi-la pe'da susulak-kala mai.

MAZMUR 17:4

Au tao hata fo, O paletan ma au ta tao tunga, eno naseti-nalakak-ka fa.

AMSAL 2:11

O dudu'a manadaim-ma, ma o dudu'a-aafi matanem-ma, neukose lasulu-lahapa o,