MAZMUR 119:53 - Susula Malalaok Hehelu Palak Ma Hehelu Beuk

⁵³ Au amanasa hataholi mangalauk-ka nanseli, nanahu ala la'o ela O hoholo-lalanem.

MAZMUR 119:53 Referans Kwoze

EZRA 9:3

Au amanene dede'ak ndia boema, au asasale dale anseli, nalosa au sisii-lulu'i au bua papakeng-nga, ma au sisii-lulu'i au langadoong-nga, ma au nggolomeing-nga, boema au angatuuk no dale nakalulutuk.

MAZMUR 119:158

Au ta ahiik mete malelesik sila-la fa, nana, ala ta tunga O nanolim-ma fa.

FILIPI 3:18

Hata fo au afa'dan neu emi ia, au afa'dan do'e-do'e neu emi so. Hu ndia de besak ia, no dale he'dik, au afa'da asafali selu kana neu emi ae, hapu hataholi ba'u ka so'da nala tao lalutu Kristus mamaten manai ai nggangek lai na, sosoa-ndandaan so.

YEREMIA 13:17

Metema o ta nau mamanene fa, neukose au kii amanininok. Au kii amatani neu O nakatutuam ndia no dale nameme'dak. Au lu'uoeng-nga nasalalalok nanahu Manetualain anan-nala nanafua sama leo hataholi nanafook.

EZRA 10:6

Ala soo-supa basa boema, Ezra fo'a neme Manetualain Uman-na matan-na mai, de neu leo Yohanan, fo Elyasib anan-na, kaman dale neu, fo ana sungu neme ndia. Ana ta nau na'a-ninu fa, nanahu dalen-na he'dis-sa, no ka'da ana dudu'a-dodoo hataholi nanafook sila-la, tatao-nono'in.

2 KORINTUS 12:21

Au bibii ka'da boso nalosak mahani te nai lelek au ne'i, te Manetualain nakadadaek au nai emi matam fo au kii-makaleleu nana sila ba'u ka nai emi dalek, makahulu na lasala-lasingo, ta lasafali dale nala, ma ala ta hahae tao sila tatao-nono'i manasosoa-piao na, manggenggeok ma ta kandaa ka fa.

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

DANIAL 4:19

Danial fo loken lae Beltsazar boe, namanene dede'ak ndia boema, ana nggenge ma ana dodoo doak-kana. Boema au fo Mane Nebukadnezar-ra, afa'dan ae, “Beltsazar, o dalem-ma boso susa nanahu me'is ndia sosoa-ndandaan.” Boema Beltsazar nataa nae, “Ama Manek, malolen-na seli, metema leouni'ka me'is ndia neuk manada'dik-kala, tuni la'e Ama Manek musun-nala, te ta la'e Ama Manek fa.

MAZMUR 119:136

Au luuoeng-nga faa sama leo lee-a, nanahu ta hapu hataholi tunga O hoholo-lalanem fa.

NEHEMIA 13:25

Au fes nasanene'dak ma au soo-supas. Au fepa-li'u nggelok ma au sisii-lulu'i langadoon-nala. Basa boema, au adenus ala soo lenik Manetualain na'den-na lae sila ma sila anan-nala, neukose ta saoana sese'do-babalik so'on.

MAZMUR 89:30

Au akataka ahele kandela manen-na, nai lelek lalai-a, bei nai daebafak-ka lain upu-anan neme bobongik leo bobongik neu, neukose langatuu kandela manen-na.

EZRA 9:14

Da'di hapu nai bee, ami ta taoafik neu O paletam-mala so'on, ma ami sao sese'do-babalik moo hataholi mangalauk sila-la? Metema ami taon soona, tao leo bee-o, neukose O mamanasa manseli, nalosa O tao mamopo-mamate la'iesak ami, fo O ta po'ilotak hataholi esa boen, bisa naso'da fa.

NEHEMIA 5:6

Au amanene sila haladoin ndia boema, au amanasa anseli,