MAZMUR 119:50 - Susula Malalaok Hehelu Palak Ma Hehelu Beuk

⁵⁰ Dede'ak-ka nde ia, nde ana kokoe-nanasi au nai au doi-dosong-nga dalek, nae O hehelum ndia, ana fe au aso'da.

MAZMUR 119:50 Referans Kwoze

ROMA 15:4

Basa hata fo nanasulak nai Susula Malalaok dale ndia, nde bee na soaneu nanoli ita. Nana nanolik fo ita sipon neme Susula Malalao ka, ana tao na ita takatatakat ma balakaik, nalosa ita hapu tamahena neu Manetualain.

YOHANIS 6:63

Manetualain Dula Dale na, nde ana fe hataholi daebafa ka naso'da. Nanahu hataholi daebafa ka be'i-balakain sosoa-ndandaan ta. Au afa'da emi dede'a-kokolak sila la nde bee na, Manetualain Dula Dale na dede'a-kokolan, fo dede'a-kokola manafe maso'da ka.

MAZMUR 94:19

Metema, au daleng-nga ta tesa-tama fa soona, O kokoe-nanasi au, ma O tao-ma au amahoko-setelee.

MAZMUR 28:7

Manetualain nde been-na, au masulu-mahapang ma manamasala'eng-nga, de au amahele neun. Ana tulu-fali ma Ana tao namahoko au daleng-nga, au koa-kion nenik nakamee makasi.

MAZMUR 42:11

Au daleng-nga nakalulutuk, nanahu musu-a hakinonolin-na. Ala latane lakandoo lae, “O Manetualaim-ma, nai bee?”

YEREMIA 15:16

O kokolak mo au, de au amanene basa O hala-kokolam lala'en-na. O num au, ou Amak Manetualain Fo Manakoasa, hu ndia de O hala kokolam neni namahokok ma naua-nanale fe au.

MAZMUR 27:13

Au amahele, neukose au la'ola'di Manetualain dale malolen-na, nai au maso'dang-nga dalek, nai daebafak ia.

MAZMUR 119:25

Au akandondoo nai daesopuk dale; tao mabebeu au so'dang-nga, tunga O hehelu-balataam.

YESKIAL 37:10

Boema au kokolak sama leo Manetualain paletan-na, de anin-na boeo, ana fuu ani hahaek leo aopaak sila-la dalek neu, boema ala fo'a de lapadeik. Sila dede'un-na, makadotok nanseli, dai soaneu lapadedeik-la, solda'du bubuaina esa.

1 PETRUS 2:2

Te ela leo bee na, emi da'di ni'iana nanabongi beuk, fo ana maa ma'da neu su'u oe matetu ka tataas esa. No enok ndia, neukose emi moli-da'di ma nanasoi tefak.

1 PETRUS 1:3

Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.

YAKOBIS 1:18

No dale hihii mesa na de, Ana tao ita da'di Ndia anan, tunga hala-kokola ndo na. Ana tao leondiak, fo ela ita hapu mamana matua-madema lena heni basa hata maso'dak fo nakadada'di kasa.

MAZMUR 119:38

Matetea-mahehele O hehelu-balataam soaneu O atam ia, hehelu-balataak fo, O fen neu hataholi manatunga neu O-a.

MAZMUR 119:41

Ou Manetualain, matu'du leon mae, O sue-lai au nanseli, de soi-tefa-mala au, nandaa no O hehelu-balataam.

MAZMUR 119:92

Leouni'ka, O hoholo-lalanem ta da'di leo au oemata namahokong fa soona, tao leo bee-o, mate basa au nai au doi-dosong dale so.

MAZMUR 138:7

Nai lelek, susa tuni-ndeni au, O ho'u mahele au so'dang-nga. O la'ban au musung fo, nasan-na lua ponu-ponu, de O soi-tefa-mala au, nenik O koasam-ma.