MAZMUR 119:4 - Susula Malalaok Hehelu Palak Ma Hehelu Beuk

⁴ O fe ami, O hoholo-lalanem, ou Manetualain, fo ela ami makalala'ok-kana, no lilinekak.

MAZMUR 119:4 Referans Kwoze

1 YOHANIS 5:3

Nana metema o sue-lai Manetualain soona, o muse tunga paleta nala. Nana paleta nala ta mabela fa.

YOHANIS 14:21

Hataholi fo ana sipok Au paleta ngala fo ana tao tungan soona, ndia nde sue-lai Au a. Boema Au Ama nga sue-lai hataholi manasue-lai Au a. Neukose Au boeo sue-lai hataholi ndia, fo Au atu'du Au aoina nga neu hataholi ndia.”

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

YOHANIS 14:15

“Metema emi sue-lai Au, ma emi makalala'ok Au paleta ngala soona,

ULANGAN 12:32

Tao-no'i basa hata lala'en fo, au paletan neu emi; boso popo-tama do ho'i heni faa anak boen.

YOSUA 1:7

Ka'da ela leo been-na, te'e-te'e o mamahele ma mapalani. O muse manea, fo ela o tunga la'iesak hoholo-lalanek, fo Musa Au atang ndia, ana fen neu o, o boso mafandele heni faa anak boen, soona neukose o hapu buna-boan.

ULANGAN 30:16

Faik ia, au paleta emi, fo sue-lai emi Manetualaim-ma, ma tungan, boema tao-no i basa hoholo-lalanen ma paletan lala'en-na, fo ela emi maso'da no tetu-temak, ma emi da'di leoina matuaina. Neukose, emi Manetualaim-ma fe emi baba'e-papalak nai nusak fo, ta dook-ka so'on te, emi mangatuu-man ndia.

ULANGAN 11:22

Tunga basa hoholo-lalanek fo, au anduku-alosak-kana neu emi ndia, no dalek-katematuak: Sue-lai emi Manetualaim-ma, ma tao basa hata lala'en fo, Ana paletan neu emi, ma ela leo been-na, emi lilineka mahele neun.

ULANGAN 6:17

Tunga basa hoholo-lalanek fo, emi Manetualain fen neu emi-a.

ULANGAN 4:1

Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.

ULANGAN 11:13

Da'di, tunga la'iesak paleta fo faik ia, au anduku-alaosak-kana neu emi; sue-lai emi Manetualaim-ma, ma makaluku-makatele neun, nenik basa emi ao paa samanem lala'en-na.

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

KELUARAN 7:6

Musa no Harun tao tunga Manetualain paletan-na.

ULANGAN 6:3

Hu ndia de, mamanene leon, tolano-tolanoong-ngala lemin, fo tao-no'i basa sila-la no lilinekak, fo ela emi hapu tetu-temak, ma emi da'di leoina matuaina, nai nusak fo kamasu'ik ma maoe-maisi ndia, sama leo ita bei-ba'i kain-nala Manetualain helu basan so.

EZRA 7:21

Neu basa manaito-ato nusak-ka kas manai propensi Efrat Muli, au fe paleta, fo ela su'di beek, fo Imam Ezra, fo malelaina nai Manetualain, fo manakoasa nai nusa so'dak-ka Hoholo-lalanen-na, noke soona, fen no lai-laik,

YESKIAL 20:19

Au nde Manetualain, fo emi Manetualain-na. Tunga Au hoholo-lalaneng, ma Au paletang-ngala.