MAZMUR 119:37 - Susula Malalaok Hehelu Palak Ma Hehelu Beuk

³⁷ Manea au, fo ela au boso usi ka'da hata fo, sosoa-ndandaan ta, tehu, fe au aso'da tunga, O hihii-nanaum.

MAZMUR 119:37 Referans Kwoze

1 YOHANIS 2:16

Basa daebafak ia oe isin lala'ena fo hataholi daebafa masala-masingo ka nitan, fo nahii kana boema namaututua-namadedeman soona, basa dede'ak sila la, ala ta da'di leme Ama ka mai fa, te ala da'di leme daebafa ka mai.

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.

AMSAL 4:25

Ela leo been-na, o mata-panam, natu'du o dale ndoom-ma; ta palu o tao, nono'kabai poek-ka nai batu selik.

BILANGAN 15:39

Fifikok sila-la da'di neu nasanene'dak: Nai lelek emi mitan, soona neukose emi mafandele Au paletang lala'en-na fo emi tao tungan. Ma hu kande fifikok sila-la, de neukose emi mafandendelek Au, fo emi ta tunga emi hihii-nanau mesam-ma fa.

MATEOS 5:28

Tehu besak ia, Au afa'da neu emi: ba'eneu see fo ana mete inak esa, tutika dale na nakababale no inak ndia soona, hataholi ndia ana hohonge no inak ndia nai dalen dale so.

MAZMUR 119:40

Fe au so'da beuk, nana O ndoos ma matetuk, au ahiik tunga O nakeketum-mala.

AYUB 31:1

Au aheluk basa pake soo-supak, ae neukose au ta akahehe'dek mata o anafe'oanak fa.

AMSAL 23:5

Nana o hata-hetom, bisa mopok-kasa, ka'da nai hatematak esa mesak-kana, nono'kabai malidak, de ana laa sama leo manupui kaka'ka laa leo lalai neu.

MAZMUR 71:20

O fe au doi-doso mabela makadotok, tehu neukose, O tao mabebeu au be'i-balakaing, ma O mafofo'a falik au neme lates dale mai.

YOSUA 7:21

Nai ita kalo teni bua-lo'as-sala dalek, au ita ba'du manalu esa, mana'ahiik, fo Babilonia limaleen ndia, boema lilofulak fafa'kama kilo dua, ma lilopila bibiak esa, kilo seselik esa lenak. Au ahiik anseli no bua-lo'as sila-la, boema au ho'i-alas de au afunis nai dae dale, nai au mamana ofung-nga; au tao lilofulak-ka nai bui mate'en-na.”

MAZMUR 119:25

Au akandondoo nai daesopuk dale; tao mabebeu au so'dang-nga, tunga O hehelu-balataam.

2 SEMUEL 11:2

Nai le'donosok esa, de Dauk sungu fo'a boema, ana la'o-la'o nai uma manek-ka ta'dak lain. Ana mete neme ndia mai, de nita inak esa bei nadiu oe, tehu inak ndia, mata makeek nanseli.