MAZMUR 119:31 - Susula Malalaok Hehelu Palak Ma Hehelu Beuk

³¹ Au tunga O nakanenetem-mala so, ou Manetualain, boso po'ilotak au hapu mamaek.

MAZMUR 119:31 Referans Kwoze

ROMA 5:5

Namahehenak leoia ka, neukose ana tao namatua ita dale na, hu ka nde Manetualain susue-lalain nai ita dalen dale. Dede'ak ndia ana da'di tunga Manetualain fe ita Dula Dale ka hehela-nonolen.

YOHANIS 8:31

Basa boema Yesus nafa'da hataholi Yahudi kamahehele kala nae, “Metema nai emi maso'da ma dalek, emi tunga Au nanoli nga soona, Au ana manatungang emi te'e-te'e,

HATAHOLI 11:23

Ma lelek Barnabas losa naa de nita Manetualain ba'e-pala tao hataholi sila la tao leo beek, boema namahoko nanseli. Boema nokes fo ela te'e-te'e ala lilineka neu Lamatua ka no dale katematuak.

AMSAL 23:23

Asa-ma, nanoli ndoos-sa, manatee-tenok-ka, nanoli-nafa'dak-ka, ma dudu'a manadaik-ka, soona boso mase'o henis.

YESAYA 45:17

Tehu Manetualain soi-tefa-na Israel; so'da-molen-nala, neukose nakatatakak. Neukose emi ta nananakamamaek ma nananakadadaek losa dodoon-na fa.’ ”

1 YOHANIS 2:28

Hu ndia ana ngala lemin! Maso'da mahele mo Kristus, fo ela neu faik fo Ana mai a, ita tapalani teu tataan, te ita ta teu ke'ke, hu ka nde bibii-mamae ka fa.

MAZMUR 25:20

Manea ma soi-tefa-ma au, fo ela au boso hapu mamaek, nana au asulu-ahapa neu O.

MAZMUR 25:2

ou au Manetualaing, au amahele neu O! Boso po'ilotak au nananakamumulu-nakamamaek, ma au musung-ngala eeki-latadale au.

YEREMIA 17:18

Sa'di bole manausi au-a, ma manatuni-ndeni au-a, O tao makamamaek-kana ma O tao mahenu dalen-na nenik bibi-namata'uk. Tehu boso tao leondiak ba'eneu au, O Manetualain. Muni fes mamate-mamopok neu sila losa sila lakalulutuk lanseli.

YESAYA 49:23

Neukose mane-manek-kala, ala da'di sama leo o amam, ma ina manek-kala, da'di leo o inam. Neukose, ala senek, fo fe ha'da-holomata neu o, ma lakaloe-lakadae aon-nala neu o. Soona neukose, o bubuluk, mae Au Manetualain; hataholi fo, namahena neu Au-a, dalen-na ta ba'ihana fa.”

MAZMUR 119:115

Hai hataholi mangalauk-kala lemin, madook meme au mai! Au nau tunga au Manetualaing paletan-na.

MAZMUR 119:80

Ela leo bee-na, au daleng-nga, ana ta heo neme O nakanenetem-ma mai fa, fo ela au boso hapu mamaek.

MAZMUR 119:48

Au fe ha'da-holomata, ma sue-lai O paletam-ma, neukose au tai-dodoo O nakeketum-ma.

MAZMUR 119:6

Metema, au taoafik neu basa O paletam-mala, soona neukose, au ta hapu mamaek fa.

ULANGAN 11:22

Tunga basa hoholo-lalanek fo, au anduku-alosak-kana neu emi ndia, no dalek-katematuak: Sue-lai emi Manetualaim-ma, ma tao basa hata lala'en fo, Ana paletan neu emi, ma ela leo been-na, emi lilineka mahele neun.

ULANGAN 10:20

Fe ha'da-holomata neu emi Manetualaim-ma, ma makaluku-makatele neu ka'da Ndia mesak-kana. Ela leo been-na, emi lilineka mahele neun, ma emi soo-supa menik ka'da Ndia na'den-na mesak-kana.

ULANGAN 4:4

Tehu emi fo manalilineka nahele neu emi Manetualaim-ma, bei naso'da losa besak ia.