MAZMUR 119:2 - Susula Malalaok Hehelu Palak Ma Hehelu Beuk

² Maua-manalek ba'eneu hataholi fo, ana tunga paletan-nala, ma no dale katematuak, ana sanga enok, fo nalelak Manetualain.

MAZMUR 119:2 Referans Kwoze

YEREMIA 29:13

Neukose emi sanga Au, de emi matongo mo Au, nana emi sanga no dale katematuak.

MAZMUR 119:10

Au sanga enok no dale katematuak, fo au alelak O, boso po'ilotak au singo eme O paletam-ma mai.

ULANGAN 4:29

Boema, neukose emi sanga emi Manetualaim-ma, fo metema emi sangan no emi dale katematuam-ma soona, neukose emi hapun.

YOHANIS 14:23

Boema Yesus nae, “Hataholi mana sue-lai Au a, neukose ana tunga Au nanoli nga fo Au Amang sue-lai hataholi ndia. Neukose Ama ka, ma Au mai leo hataholi ndia fo ami leo makabubua mon.

MAZMUR 25:10

Hataholi fo ana tunga hehelu-balataan ma hoholo-lalanen-na, Ana taon no susue-lalaik ma lilinekak.

YESKIAL 36:27

Neukose Au akona, Au Duladaleng-nga leo emi dalem dale neu, ma Au anea emi, fo ela emi maso'da tunga Au hoholo-lalaneng, boema emi tunga basa Au paletang-ngala.

AMSAL 23:26

Anang-ngonei, taoafik matalolole, ma tunga au so'dang-nga, eno-dalan.

ULANGAN 6:17

Tunga basa hoholo-lalanek fo, emi Manetualain fen neu emi-a.

2TAWARIKH 31:21

Nusa-na tetu-temak nanahu ana tao basa hata lala'en-na soaneu Manetualain Uman-na do soaneu tao tunga Manetualain hoholo-lalanen, nakalala'ok-kana no dale katematuak ma no susue-lalaik neu Aman Manetualain.

1RAJA-RAJA 2:3

Tao-no'i hata fo o Manetualain paletan neu o. Tao tunga basa hoholo-lalanen ma paleta-paletan fo nanasulak nai Musa susulan dale, fo ela o muu leo bee muu boeo neukose o hapu buna-boak nai o tutunga-sasangam lala'en-na dalek.

1 YOHANIS 3:20

Metema ita tame'da nana, hata fo ita taon ndia salan soona, mafandendelek te Manetualain malela na ba'u lena ita malela na, hu ka nde Ndia nde bubuluk basa hata lala'ena.

MAZMUR 105:45

fo ela anan sila-la, tunga hoholo-lalanen, ma tunga paletan-nala. Koa-kio Manetualain leona!

ULANGAN 6:5

Sue-lai emi Manetualaim-ma no emi dalek-katematuam-ma: Matu'du emi susue-lalaim ndia, nai emi heo-hilum-ma dalek, ma nai emi tatao-nono'i ma dalek.

MAZMUR 119:22

Soi-po'i au, neme sila nakamumulu-nakamamaen, ma nakamuu-nakadaun mai, nana au akalala'ok O nakanenetem-ma.

MAZMUR 119:146

Au aloo bou-bou neu O; soi-tefa-mala au, nana au nau ho'u ahele O nakanenetem-ma.

1 TAWARIKH 22:19

Da'di, ela leo been-na emi mamahele neu emi Amam Manetualaim no basa emi aopaa samanem lala'en-na. Mulai mafofo'a uma soaneu Manetualain leona, fo ela Peti Hehelu-balataan ma basa bua-lo'as fe'ek fo nanapake hehelik soaneu makaluku-makatele a, hapu pe'das leu ndia.”

MAZMUR 119:17

Ela leo bee-na, O madale malole neu O atam ia, fo ela au aso'da ahele, ma tunga O nanolim-ma.

MAZMUR 119:33

Ou Manetualain, manoli au, O nakeketum-mala, sosoa-ndandaan, fo ela au tungan losa mate'en-na.

MAZMUR 119:34

Tao-ma au, alelak O hoholo-lalanem, fo ela au tungan, ma au tao-no'in no dale katematuak.

MAZMUR 119:57

Ou Manetualain, fo au ahiik-ka, nde ka'da O, de au helu, neukose au akalala'ok O nanolim-ma.

MAZMUR 119:69

Hataholi manakoao-ndaeaok-ka, tao naggenggeo au na'deng-nga, tehu au tunga O nakeketum-ma no dale katematuak.

MAZMUR 119:88

Soi-tefa-mala au, nana O sue-lai mahele au, fo ela au hapu tunga O hoholo-lalanem.

MAZMUR 119:101

Au adook au aong-nga, neme ha'da-palii mangalauk lala'ena mai, fo ela au tunga O nanolim-ma.

MAZMUR 119:115

Hai hataholi mangalauk-kala lemin, madook meme au mai! Au nau tunga au Manetualaing paletan-na.