MAZMUR 119:17 - Susula Malalaok Hehelu Palak Ma Hehelu Beuk

¹⁷ Ela leo bee-na, O madale malole neu O atam ia, fo ela au aso'da ahele, ma tunga O nanolim-ma.

MAZMUR 119:17 Referans Kwoze

MAZMUR 13:6

Nana au amahele neu O susue-lalaim, de neukose, au amahoko nanahu O soi-tefa-ma au. Au nau akamee ba'eneu Manetualain, nana Ana tao malole neu au so!

MAZMUR 116:7

Au daleng-nga tesa-tama, nana Manetualain malole neu au.

MAZMUR 119:124

Tao au nandaa no O susue-lalaim, ma manoli au, O nakeketum-ma.

MAZMUR 119:65

Ou Manetualain, O tao matetu O hehelum-ma, ma O tao malole neu O atam-ma so.

1 YOHANIS 2:29

Emi bubuluk basa, nai Kristus maso'da na dalek, Ana tunga ka'da Manetualain hihii-nanaun. Hu ndia de emi muse bubuluk te, hataholi fo naso'da tunga Manetualain hihii-nanau na, hataholi ndia nde been-na Manetualai nanan.

FILIPI 4:19

Manetualain fo au sene-do'o ka, fo su'i-beten sasi kao-kao nai Kristus Yesus dale ka, neukose Ana tao natetu basa emi paluum lala'ena.

EFESUS 2:10

Manetualain nde nakadada'dik ita, ma tunga Kristus Yesus de, Ana tao nasafali ita, fo daenga ita tao-no'i dede'a malole fo Ana sadia basan soaneu ita so.

YOHANIS 1:16

Hataholi ndia henuk no susue-lalai ka; susue-lalain manaketu basa tak. Ana ba'e-pala ita.

MAZMUR 119:132

Lepos masale leo au mai, fo sue-lai au, sama leo O sue-lai hataholi manasue-lai O-a.

MAZMUR 119:2

Maua-manalek ba'eneu hataholi fo, ana tunga paletan-nala, ma no dale katematuak, ana sanga enok, fo nalelak Manetualain.

MAZMUR 119:77

Sue-lai au, fo au aso'da ahele, nanahu O hoholo-lalanem, nandaa no au daleng-nga.

MAZMUR 119:116

Matetea-mahehele au, nandaa no O hehelum-ma, fo ela au aso'da, boso po'ilotak au daleng-nga ta tesa-tama nai au namahehenang-nga dalek.

MAZMUR 119:144

O nakanenetem-ma, ndoos ma matetuk tataas esa; fe au malelak, fo ela au aso'da.

MAZMUR 119:175

Ela au aso'da, fo au koa-kio O nadema; ma O nakeketum ala tulu-fali la au.