MAZMUR 119:162 - Susula Malalaok Hehelu Palak Ma Hehelu Beuk

¹⁶² O hehelum-ma, ana tao namahoko au, sama leo, hataholi esa hapu hata-heto.

MAZMUR 119:162 Referans Kwoze

YEREMIA 15:16

O kokolak mo au, de au amanene basa O hala-kokolam lala'en-na. O num au, ou Amak Manetualain Fo Manakoasa, hu ndia de O hala kokolam neni namahokok ma naua-nanale fe au.

MAZMUR 119:72

Ba'eneu au soona, O hoholo-lalanem belin-na, lena heni basa lilopilas ma lilofulak manai daebafak-ka.

MAZMUR 119:111

O paletam-ma nde bee-na, au pusakang losa dodoon-na, fo ana tao namahoko au daleng-nga.

SEMUEL SUSULAK-KA ESAN-NA 30:16

Boema, nos leo solda'du sila-la mamanan-na neu. Nai lelek ndia, solda'du sila-la lapanggela lai basa mamanak ndia lala'en-na, boema la'a-linu ma ala feta-dote, nanahu ala kalo leni bua-lo'a kakalok makadotok leme nusa Filistin ma Yehuda mai.

YESAYA 9:3

O ho'i-ma lelepa mabelan-na so ma lelepak-ka neme alun lain mai. O sengi leoina manatuni-ndenik ndia fo manalumu-ese O anam-mala. Sama-na leo nai tepo-lelek makahulun eli, lelek O sengi solda'du Midian-nala.

AMSAL 16:19

Malole lenak makaloe-makadae aoinam-ma moo hataholi dale taidaek-ka, neme maba'e bua kakalok moo hataholi manakoao-ndaeaok-ka.

MAZMUR 119:14

Au amahoko tunga O paletam-mala, sama leo, au anuu basa hata mata-matak lala'ena.