MAZMUR 119:137 - Susula Malalaok Hehelu Palak Ma Hehelu Beuk

¹³⁷ Ou Manetualain, O ndoos ma matetuk, basa O hoholo-lalanem-mala la'en.

MAZMUR 119:137 Referans Kwoze

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

EZRA 9:15

Amak, fo Israel Manetualain-na. O ndoos ma matetuk, tehu, leomae leondiak boe, O po'ilotak ami maso'da. Ami manaku ami salam-ma neu O; ami ta manuu hak, soaneu mai leo O matam-ma mai fa.”

DANIAL 9:7

Ou Manetualain, O nakeketum-ma la'en tataas esa, ndoos ma matetuk tehu ami makamamaek ami aoinam-ma do'e-do'e fo nde: ami basa-basam fo manaleo nai Yudea ma Yerusalem, ma basa hataholi fo leoina esa lo ami, fo O fes tapasasala leo nusa dook-kala ma manadekak-kala, hu kande, ala ta lilineka neu O fa.

MAZMUR 145:17

Manetualain ndoos ma matetuk nai tatao-nono'in-na dalek, ma henuk no susue-lalaik nai tatao-nono'in lala'ena dalek.

NINITAK 16:7

Boema au amanene hala ka neme mei tutunu-hohotu ka mai nae, “Lamatuak, Manetualain fo Mana Koasa, O maketu-mala'di huhuku ka ndoos ma tunga ndo na!”

DANIAL 9:14

O, ou Manetualain, fo ami Manetualaim, O huku basa ami nenik sua-soe fo O sadia basan so; O nakeketum-ma la'en tataas esa, ndoos ma matetuk, tehu ami ta nau mamanene O halam-ma fa.

MAZMUR 103:6

Manetualain nakalala'ok hoholo-lalanek ma ndoos ma matetuk-ka, ba'eneu hataholi nanatuni-ndenik-ka.

MAZMUR 99:4

Manek fo mabe'i-balakaik, fo manasue-lai hoholo-lalanek; O mapadedeik matetu ndoos-sa so; O makalala'ok hoholo-lalanek, ma ndoos ma matetuk-ka nai Israel.

NEHEMIA 9:33

O nakeketum-ma ndoos ma matetuk, O huku ami fo masala-masingok; O lilineka mahele, leomae ami henuk no bu'u-ba'ek.

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

NINITAK 19:2

Nakeketu na tunga ka'da ndo na, ma manatee tenok. Naketu basa huhukuk soaneu manasosoa-piao matuaina, fo manatao nalutu daebafa ka ninik sosoa-piaon. Manetualain huku basa manasosoa-piaok ndia, nana ana taonisa Manetualain ata nala.”

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

ROMA 9:14

Ade besak ia, ita ho'i nakeketu na leo beek? Ita tafa'da tae, Manetualain ta naketu tunga ndo na fa do? Mae tao leo bee o, Manetualain naketu tunga ndo na.