MAZMUR 119:111 - Susula Malalaok Hehelu Palak Ma Hehelu Beuk

¹¹¹ O paletam-ma nde bee-na, au pusakang losa dodoon-na, fo ana tao namahoko au daleng-nga.

MAZMUR 119:111 Referans Kwoze

YEREMIA 15:16

O kokolak mo au, de au amanene basa O hala-kokolam lala'en-na. O num au, ou Amak Manetualain Fo Manakoasa, hu ndia de O hala kokolam neni namahokok ma naua-nanale fe au.

MAZMUR 119:174

Au daleng-nga nahik sodak-molek neme O mai, O paletam-ma taonamahoko au daleng-nga.

MAZMUR 119:92

Leouni'ka, O hoholo-lalanem ta da'di leo au oemata namahokong fa soona, tao leo bee-o, mate basa au nai au doi-dosong dale so.

MAZMUR 16:5

Manetualain, au anuu-ka, nde ka'da O mesam-ma; O fe au basa hata lala'en fo, au paluuk-ka, au ua-naleng, nai O limam dale.

1 PETRUS 1:4

Ita tamahena, ita hapu baba'e-papalak, fo Manetualain sadia basan soaneu hataholi kamahehele nala, fo nde baba'e-papalak fo Ana pe'dan nai nusa so'da ka, fo ta hapu nalutu fan, do naboo do ana kou-mosa fa.

MAZMUR 119:127

Au sue-lai O paletam-ma, lena heni lilopilas-sa, lena heni lilopilas isik-ka.

MAZMUR 119:74

Hataholi kamahehelek-ka, neukose namahoko, metema nita au, nana, au amahena neu O hehelu-balataam.

MAZMUR 19:8

Manetualain hoholo-lalanen ndia matetu-mandaak, ana tao makasufu samanek-ka. Manetualain paletan-na, hapu nananamahelek, ana fe hataholi fo dudu'a-aafin bei ta namadai fa manatee-tenok.

ULANGAN 33:4

Ata tunga Musa fe hoholo-lalanek-kala, fo leoina ia, pusakan fo, belin-na seli ndia.

IBRANI 9:15

Hu ndia de, Kristus da'di lelete neu hehelu beuk esa, fo ela ita fo Manetualain nalo basa ka, hapu baba'e-papala mana ketu basa tak, fo Manetualain helu ka. Basa sila la ala da'di, hu ka nde hataholi esa mamate na, fo nde Kristus. Fo no Kristus mamaten ndia, de Ana soi-tefa na hataholi a neme sala-singon, fo ala tao-no'in nai lelek fo ala bei pake hehelu-balataa makasososak ndia.

MAZMUR 119:14

Au amahoko tunga O paletam-mala, sama leo, au anuu basa hata mata-matak lala'ena.

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

1 PETRUS 1:8

Leomae makahulu na emi ta mita fan, tehu emi sue-lain. Besak ia boeo, emi ta mita fan, tehu emi mamahelen boe. Hu ndia de emi mamahoko matua ina manseli, de nalosa ta tafa'da talelak emi namahokom ndia fa.

MAZMUR 119:162

O hehelum-ma, ana tao namahoko au, sama leo, hataholi esa hapu hata-heto.

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

KOLOSE 1:12

boema moke makasi neu Ama ka. Nana hu ka nde, Amak ndia sue-lai emi de, emi mandaa sipo hata fo Ana sadia basan, ba'e neu salani nala nai nusa so'da ka dalek.

MAZMUR 19:9

Manetualain nakaneneten ndia, nandaa tao namahoko hataholi-a dalen-na. Manetualain nakeketun ndia, neuisik, ana tao-na hataholi-a nalelak.