MAZMUR 117:2 - Susula Malalaok Hehelu Palak Ma Hehelu Beuk

² Nana Manetualain susue-lalain, ba'un-na seli ba'eneu ita, ma lilinekan nahele losa dodoon-na. Koa-kio Manetualain leona!

MAZMUR 117:2 Referans Kwoze

YESAYA 25:1

Manetualain, O nde au Manetualaing-nga, au amatutua-amadedema O, ma au koa-kio O na'dem-ma nana O tatao-nono'im, dodoo doak-kana nanseli; O tutu'u basan, neme makahulun-na mai so, ma O tao matetun no lilinekak.

MAZMUR 103:11

Tehu, sama leo lalai-a dedeman-na nai daebafak-ka lain, susue-lalain dema-ba'u ndia, ba'eneu hataholi kamahehelek-ka.

MAZMUR 89:1

Etan fo hataholi Ezrahi, nakamee nanolin-na.

1 YOHANIS 5:6

Yesus Kristus mai leo daebafa ka mai, boema salanin ma maten. No enok ndia, Ana mai ta ka'da no oe mesa kana fa, te no oe ma daak. Boema Manetualain Dula Dale na sakasii nae, memak dede'ak ndia, tete'e ka. Mafandendelek te, Dula Dale ka, ta masa pepeko-masandandalik fa.

MAZMUR 85:10

Tete'ek-ka, naheheleaon soaneu soi-tefa hataholi fo, ana bii-namata'u neun, Manetualain fo matua-mademaina, neukose Ana leo nai ita nusan-na.

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

MIKHA 7:20

Soaneu O anam-mala, fo Abraham ma Yakob tititi-nonosin, neukose O matu'du O lilinekam ma O susue-lalaim fo ta nanuu too-lane ndia, sama leo hata fo makahulun eli O helu basan neu ami bei-ba'i kaim-mala so.

MAZMUR 146:6

Ndia nde nakadada'dik lalai no daebafak-ka, ma tasi no oe-isin lala'ena,; Ana lilineka losa dodoon-na.