MAZMUR 110:3 - Susula Malalaok Hehelu Palak Ma Hehelu Beuk

³ Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

MAZMUR 110:3 Referans Kwoze

HAKIM-HAKIM 5:2

Koa-kio Manetualain, nana palani ta'ti batu Israel-lala, laketu basa nai dalen-nala dalek, fo leu latee-lata'ti, ma laun-nala leu latee-lata'ti no dale hihii-nanau mesan-nala.

IBRANI 13:21

Sa'di tao leo bee na Manetualain, fo oe mata mole-dame ndia, tao natetu-nandaa emi, ninik basa hata malole fo emi paluun soaneu tao-no'i hihii-nanaun. Sa'di leo bee na, no Yesus Kristus hehela-nonolen, de Manetualain tao-no'i nai ita dalek, hata fo nahii kana. Ela leo bee na, Kristus nanakoa-kiok losa dodoo na! Amin.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

1 TESALONIKA 4:7

Manetualain ta nalo ita fo taso'da nai sosoa-piao ka dalek fa te, sue ka nde ita taso'da no malole, fo tao tamahoko dale na.

EFESUS 1:4

Lelek fo daebafak ia beita nananakada'dik fa te, Manetualain hele basa ita tunga Kristus no dudu'ak, fo ela ita da'di Ndia nuu hehelin, ma sala-singok tak nai mata na. Hu ka nde, Manetualain susue-lalain

NINITAK 7:9

Basa ndia boema au mete seluk, boema au ita hataholi makadotok nanseli. Ta hapu hataholi esa boen hapu leke na dede'u nala fa. Hataholi sila la nde bee na leme basa leoina mata-mata kala, leoanak, nusaina, ma dede'a-dede'a kala mai. No ala pake ba'du manalu fulak ma ho'u ai palem ndanak nai lima nala, hataholi makadotok sila la lapadeik lasasale matak lo kandela mane ka ma lasasale matak lo Bi'ilopo Ana ndia.

2 KORINTUS 13:4

Memak nai lelek ala lona-nggange nana, Ana male-tale, tehu basa boema naso'da hu ka nde Manetualain koasa na. Ami boeo male-tale nai ami maso'dam fo da'di esa mo Kristu sa dalek, tehu metema ami masasale matak mo emi soona, ami boeo balakaik sama-sama mo Kristus, hu ka nde Manetualain koasa na.

2 KORINTUS 8:16

Ami moke makasi ba'u ka neu Manetualain, nana sama leo ami boe, de Ana tao na Titus te'e-te'e tulu-fali emi, de ana tulu-fali emi!

2 KORINTUS 8:12

Metema te'e-te'e emi nau fe soona, neukose Manetualain sipok emi fefeem ndia, tunga hata fo emi manuun, te ta tunga hata fo emi ta manuu fan.

HATAHOLI 21:20

Lamanene Paulus tutuin ndia boema basa-basas koa-kio Manetualain. Basa boema lafa'da Paulus lae, “Tolanoo Paulus! Tolanoo ka muse bubuluk te, hataholi Yahudi la lifu-lifun lamahele Yesus so. Basa-basas tunga Musa hoholo-lalanen no manggatek.

MAZMUR 96:9

Sene-do'ok neu Manetualain nenik pake papake-ngganggao nakaluku-nakatele! Dele ngge'be-ngge'be nai matan-na, hai basa daebafak-ka lala'ena lemin!

FILIPI 2:13

nana Manetualain nde tao-no'i dede'ak sila la, nai emi ao inam dale, soaneu emi nau ma emi tao mabe'i Manetualain hihii nanaun.

HATAHOLI 2:41

Hataholi ba'u lamahele Petrus hala kokolan sila la. Tutika loke salanis leona. Faik ndia dale na, tama seluk hataholi kamahehelek lifun telu.

HATAHOLI 2:33

Boema Manetualain so'un da'di mana koasa matua-madema. Ma Ana fen Dula Dalek fo Ana helu basa ka. Hu ndia de, mita ma mamanene, te Ana fe ami Dula Dalek ndia boe.

HATAHOLI 1:8

Tehu neukose emi hapu koasa, metema Manetualain Dula Dale na ana kona mai emi. Ma neukose emi da'di sakasii soaneu Au nai Yerusalem, nai basa Yudea lala'ena, ma nai Samaria, losa daebafa ka bu'u-bu'u nala.”

1 TAWARIKH 16:29

Koa-kio na'den fo mandela-masa'ak, ma meni tutunu-hohotuk leo uman dale neu. Sene-do'ok Manetualain no pake bua papake makaluku-makatele!

HATAHOLI 19:20

No enok matua ina sila la de Manetualain dede'a-kokolan boetai namaloa ka, ma boetai natea-nahele.

HATAHOLI 4:4

Tehu hataholi mana mamanene Lamatua ka hataholi nadedenu kaduan sila nanoli nala, ba'u ka lamahele. De dede'u nala boetai lamba'u ka. Fafa'ka ma, losa hataholi lifun lima.

NEHEMIA 11:2

Nai hataholi sila dalek, hapu nggelok no dale hihii-nanau mesan-nala, lahiik leo lahele nai Yerusalem, de laun-na koa-kio hataholi sila.

YESKIAL 43:12

Nakeketuk la'eneu Manetualain Uman-na nde ia: Basa mamanak manai letek ndia poin-na lala'en-na, nde been-na malalao-malalafuk.”

HAKIM-HAKIM 5:9

Neu basa Israel malanga solda'du matuainan, ala fe aoinan-nala no sila dale hihii-nanau mesan-na, au anduku-alosak au kokoa-kikiong neus. Koa-kio Manetualain leona!

MAZMUR 29:2

Koa-kio Manetualain na'de mandela-masa'an, sene-do'ok-kana nenik pake papake-ngganggao masene-do'ok.

MIKHA 5:6

Bei ela hataholi Israel-la, neukose ala da'di dinis makasufuk neme Manetualain mai soaneu leoina makadotok, ma sama leo u'dan-na mai soaneu sesele-nganggalik nai fai sele-nggalin-na. Neukose lasalai dean-nala neu Manetualain, te ta neu hataholi daebafak fa.