MAZMUR 109:22 - Susula Malalaok Hehelu Palak Ma Hehelu Beuk

²² Nana, au nuu ta-hata tak, ma manadoi-dosok, ma au daleng-nga, he'dis-sa nanseli.

MAZMUR 109:22 Referans Kwoze

MAZMUR 86:1

Dauk huhule-haladoin. Ou Manetualain, mamanene au huhule-haladoing, fo mataa au leona, nana au nuu ta-hata tak, ma tapandoes.

MAZMUR 102:4

Au so'dang-nga mopon, sama leo ha'imasuk-ka; au duing-ngala lamahana beloo, sama leo ha'i pilak-ka,

MAZMUR 40:17

Ela leo been-na, hataholi manasene-do'ok neu O-a, lamahoko ma setelee, ma hataholi manasue-lai so'da-molek neme O mai-a, lafa'da lakandoo lae, “Tete'ek-ka, Manetualain matua-madema!”

MAZMUR 22:6

Laloo bou-bou neu O, de O fes laladeak; lamahena, de dalen-nala tesa-tama.

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

YOHANIS 12:27

“Au dale nga to'a-sota. Besak ia Au muse ae le'e bai? Ade Au muse afa'da ae, ‘Ama, fali ma Au neme hatematak ia mai leona do’? Te hu ka nde doidosok ia de Au mai.

LUKAS 22:44

Yesus dale na susa nanseli, nalosa Ana boetai te'e-te'e hule-haladoi. Puse na sama leo daa ka, ana titi leo dae lain neu.

MATEOS 8:20

Boema Yesus nataa nae, “Busa fui boeo mabolok, ma manupui mandunuk, tehu Ana Hataholi ka mamanan ta soaneu nakalololik ao na.”

YESAYA 53:3

Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

MAZMUR 109:16

Nana, hataholi ndia, beita la'iesa fo, natu'du dale susue-lalaik boen. Ana fepa-li'u hataholi nuu ta-hata tak fo manadoi-dosok-ka, ma ana tonisa hataholi fo, manatulu-manafalin ta.

AYUB 6:4

Manetualain, Fo Manakoasa, kokou isin-na tola au aopang-nga; de lason-na, nananama leo basa au aopaa-samaneng lala'en-na neu. Manetualain koasa matuainan-na, neni bibii-namata'uk nanseli, de nono'kabai, musu nook-ka solda'dun-nala sapu-la au.

2RAJA-RAJA 4:27

Tehu, lelek ana losa Elisa matan-na boema, ana senek ma ana holu-na Elisa ein-na. Boema, Gehazi sanga soli henin neme ndia mai, tehu Elisa nae, “Nemen-na! Te nono'kabai, ana susa nanseli ndia. Tehu Manetualain ta nafa'da au hata-hata fa!”

MAZMUR 25:16

Mete au, ma sue-lai au, nana au mesa-mesang-nga, ma au doi-doso.