MAZMUR 107:5 - Susula Malalaok Hehelu Palak Ma Hehelu Beuk

⁵ Ala lamala'a-lamandoe, ma maa ma'da, ma mopo basa namahehenak lala'ena so.

MAZMUR 107:5 Referans Kwoze

RATAPAN 2:19

O fo'a do'e-do'e le'odae katemak esa soaneu nggasi fo mafa'da o dalem-ma oe-isin neu Manetualain. Moke leon, fo ela dalen-na tu'da kasian neu o ana kamala'am-mala ma manasapala'ok manai basa eno heheok-kala.

YESAYA 44:12

Tuka besi esa, ana ho'in-na liti bibiak esa, fo ana taon leo ha'i lain neu, fo ana tutun nenik tututuk. Ana tutun nenik basa be'i-balakain lala'en-na. Lelek ana tutu boema, namala'a, maan-na ma'dak-ka, ma ana sota-mangu.

YEREMIA 14:18

Metema Au u leo mook-ka, au ita mana mateek-kala popolan-nala nanahu natee-natatik-ka. Au ita toto'a-tataak-ka nai kota dalek, hataholi-la hihi lae mates nana la'a-ndoes-sa. Nabi-la ma imam-mala lakalala'ok bela-ba'un-nala te ta lalelak hata fo ala taok-ka fa.”

KELUARAN 16:3

Lafa'da lae, “Malole lenak, leouni'ka Manetualain taonisa ami neme Masir so. Nai naa, ami mangatuuk, fo ami mi'a paa ma loti, losa ami makabete. Tehu emi moo ami leo ia mai, fo ela ami basa-basam-mala, mate no la'as-sa.”

KELUARAN 17:3

Tehu hataholi sila-la maan-nala ma'da nanseli, de beemumu lahele Musa. Lafa'da lae, “Tao le'e de, o moo ami kalua meme Masir mai? Fo ela ami moo ami anam-mala, ma ami bana-manum mate no maa ma'dak-ka do?”