MAZMUR 107:33 - Susula Malalaok Hehelu Palak Ma Hehelu Beuk

³³ Ana tao nasafali lee-la, da'di moo solokaek, ma oemata-la, da'di dae tokotiik

MAZMUR 107:33 Referans Kwoze

YESAYA 50:2

Tao le'e de, neme Au anang-ngala mai, hataholi esa boen, ta hapu nataa, nai lelek, Au mai aloos? Ade, ka'da ala bedenge, nanahu laedaenga. Au ta soi-po'i, ma soi-tefa abe'i fas do? Te'e-te'e, no Au paletang-nga, de tasi ma'dan, Au tao lee-la, da'di moo solokaek, nalosa i'ak-kala mates, de laboo mami.

YESAYA 42:15

Neukose Au tao-a letek ma pupukuk-kala, na'u ta moli fas, Au tao-a basa bubu'u-palusan ala male. Au tao asafali lee-a bafan-nala da'di moo solokaek, Au tao-a basa dano-la, ma'das.

ZEFANYA 2:13

Basa ndia soona, neukose Manetualain Ana pake koasan-na, fo Ana tao nakalulutuk Asyur. Neukose Ana tao kota Niniwe da'di nee-nee lino-linok, ma moo na'u tak.

ZEFANYA 2:9

No Au fo maso'dak, ma leoina Israel-la Manetualain-na na'den-na, neukose Au sapu balisi Moab ma Amon, sama leo Sodom ma Gomora. Neukose nusak sila-la henuk no oedolu oe masik-kala, ma henuk no ai-batu manatapasasalak fo manaketu-basa taak-ka, de na'u-aiana moli lai ndia. Bei ela Au anang fo lala huhukuk-ka deak-ka, neukose ala bonga laun-na uman-nala, ma latona-la daen-na.”

NAHUM 1:4

Nasapala tasi-a, de Ana tao nama'dan Ana tao-na lee lalae'na da'di lee ma'dak. Lete Karmel-la, ma mook manai Basan-nala na'u-aiana ta moli fan ma na'u manai Libanon lala'en-na, male-tale.

YOEL 1:20

Lena-lenak bana fuik manai nula dale-la laloo bebou neu O loke tulu-falik. Ala ta hapu linu lakabete fa, nana ma'da la'iesak lee-la.

YESKIAL 30:12

Neukose Au tao ama'da Lee Nil-la, ma Au fe Masir lala'en-na, leo hataholi mangalauk-kala neu. Neukose Au adenu hataholi nusa dea-la, fo ala tao lakalulutuk nusak ndia lala'en-na. Au fo Manetualain, nde manakokolak-ka.”

YEREMIA 14:3

Hataholi kamasu'ik-ka nadenu basa malalau-maoonon-nala sanga nai basa mamanak lala'en-na; de leu leo basa oedolu lala'en-na, tehu oen-nala basa so. Ketel-la louk fo lenik-kala ala leni falik-kana. Ala mae de ala potiketu mata-panan-nala nana dalen-nala ba'ihanak-ka ma ketu dudu'an-nala.

YESAYA 44:27

Au nde afa'da tasi buin-na ae: Ma'da leona! Au nau tao ama'da, o leem-mala.

MAZMUR 74:15

O nde fe oemata-la ma lee-la faa; O tao makamama'dak lee matua-la.

1RAJA-RAJA 18:5

Ahab nafa'da Obaja nae, “Mai fo ata la'ok okofefeo basa nusak ia lala'en-na fo ata sanga oemata do lee. Fafa'kama ita hapu na'u soaneu ita ndalan-na la ma bana esa na'de bagal fo ela boso mate esa boen.”