MAZMUR 106:10 - Susula Malalaok Hehelu Palak Ma Hehelu Beuk

¹⁰ No enok ndia, Ana soi-tefa-nalas, leme musu nook-ka liman mai ma Ana soi-po'is, leme musu koasan-na mai.

MAZMUR 106:10 Referans Kwoze

MAZMUR 107:2

Mafa'da dede'ak ndia la'i ba'uk-ka, hai emi fo, nanasoi-tefa basak, neme susa dalek mai so.

KELUARAN 14:30

Nai faik ndia, Manetualain soi-tefa-na leoina Israel-la neme hataholi Masir-ra mai, ma lita hataholi Masir-ra popolan-nala benggela nai tasi su'un-na.

MIKHA 6:4

Au o emi kalua meme Masir mai so, ma Au soi heni emi neme ata dalek mai; Au adenu basa Musa, Harun, ma Miryam soaneu hela-nole emi so.

MAZMUR 136:24

Ana soi-po'i ita teme musu liman mai; susue-lalain manaketu-basa tak, losa dodoon-na.

NEHEMIA 9:11

Soaneu tao enok fe O anam-mala, de O ta'da ba'e tasi oe-a neu dua; O makalelenak-kasa tunga tasi buin-na fo ta makadoek fa. Basa manausis-sala, bolo nai oe madema dale, sama leo batu tena nai tasi manafo'ak-ka dalek.

ULANGAN 11:4

Emi mita, tao leo beek de, Manetualain tao namate-namopo solda'du Masir-ra no basa ndalan-nala, ma kaleta musun-nala. Ana taon-na basa-basas bolo leme Tasi Gelagah nai lelek ala usi emi-a.

KELUARAN 15:13

O hela-nole leoina fo O soi-tefa-malak ia-la, nanahu O liineka neu O hala hehelum-ma. O masulu-mahapas, no be'i-balakai manituk, ma O hela-noles leo O dae-oem fo malalao-malalafuk-ka.

MAZMUR 44:8

Tehu O nde soi-tefa-ma ami neme musu nook-ka mai, ma O sengi hataholi fo manamakamuu-makadau ami-a.